Maktub gə́ wɔji dɔ Jɔb 11:8 - Maktub gə́ To gə Kəmee

⁸ Négər ləa dəree ḭ gə́ tar unda dara. See ɗi ɓa i a ra wa. Kuru ləa to yaa̰ unda ɓee lə njé gə́ d’wəi. See ɗi ɓa i a gər wa.

Maktub gə́ wɔji dɔ Jɔb 11:8 ပူးပေါင်းရင်းမြစ်များ

2 Sôrta Gḭka Israɛlje 6:18

Nɛ see Ala a si na̰’d gə dəwje gə́ dɔ naŋg nee tɔgərɔ ya wa. Aa oo, dara gə́ tad rəg-rəg lé asi el, nɛ ɓəd ɓəi ɓa kəi gə́ m’ra nee wa.

Maktub gə́ wɔji dɔ Jɔb 11:9

Ŋgalee to yaa̰ unda dɔ naŋg nee ləm, Tadee to yaa̰ unda baa-boo-kad ləm tɔ.

Maktub gə́ wɔji dɔ Jɔb 22:12

See Ala to njesi dɔ dara gə́ tar el wa. Maji kari oo loo gə́ tar to gə́ yeḛ si tar ndoi!

Maktub gə́ wɔji dɔ Jɔb 26:6

Loo gə́ nea̰’g lé ɓee lə njé gə́ d’wəi to raga ndəgəsə ləm, Ɓul mán lé né gə́ nje ko̰ təa godo ləm tɔ.

Maktub gə́ wɔji dɔ Jɔb 35:5

Maji kari aa dara gərərə oo: Maji kari aa mumje oo, deḛ to dɔi’g tar nu!

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 38:17

See tarəwkɔgje lə yoo to tag ari oo wa. See i oo tarəwkɔg lə ndil yoo wa.

Maktub gə́ wɔji dɔ Jɔb 7:9

To gə́ mum gə́ sané pa aw lé Yeḛ gə́ aw ɓee lə njé gə́ d’wəi’g lé a tel ree el tɔ.

Pakɔsje 103:11

To gə́ dara to tar sab gə naŋg lé Meemaji ləa kara boo togə́bè to Mbata lə deḛ gə́ ɓəlee lé.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 36:6

Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.

Gosota-Kəmkàrje 30:4

See na̰ ɓa ḭ aw dara ɓa tel ree naŋg nee wa. See na̰ ɓa wa lel meḛ jia’g wa. See na̰ ɓa tɔ mán gə kubu ləa wa. See na̰ ɓa ar ŋgaŋ rudu naŋg nee to wa. See ria ban wa. See ri ŋgonee ban wa. See i gər ya wa.

Esai 55:9

To gə́ dara to ne əw gə naŋg bèe lé Togə́bè ɓa rəw néraje ləm-ma to ne əw Gə rəw néraje lə sí ləm, Takə̰jije ləm-ma kara D’ur dɔ ka̰ sí-seḭ’g bèe ləm tɔ.

Amɔs 9:2

Ɓó lé d’aw njal teḛ ne loo gə́ lə njé gə́ d’wəi’g ndá Ji neḛ a kwa dee wɔgədɔ kɔr dee ya ləm, Ɓó lé d’ḭ d’aw mee dara’g kara N’a kar dee rəm d’uru naŋg ya ləm tɔ.