Maktub gə́ wɔji dɔ Jɔb 11:7 - Maktub gə́ To gə Kəmee

⁷ See i askəm kuru mee Ala mba gər takə̰ji ləa Mba gər ne ndaa Bao-siŋgamoŋ lé njai-njai wa.

Maktub gə́ wɔji dɔ Jɔb 11:7 ပူးပေါင်းရင်းမြစ်များ

Maktub gə́ wɔji dɔ Jɔb 22:12

See Ala to njesi dɔ dara gə́ tar el wa. Maji kari oo loo gə́ tar to gə́ yeḛ si tar ndoi!

Maktub gə́ wɔji dɔ Jɔb 26:14

Yee nee ɓa gə́ ŋgaŋ kula reaje, To gə́ kaa né gə́ ɓar lam-lam oso mbi sí’g, Nɛ see na̰ ɓa a koo ndaŋg lə siŋgamoŋ ləa gə́ ɓar paḭ-paḭ lé wa.

Maktub gə́ wɔji dɔ Jɔb 27:11

M’a ndoo sí kila-rəwje lə Ala, M’a kiya sə sí dɔ néje gə́ Bao-siŋgamoŋ wɔji-kwɔji ra lé el.

Maktub gə́ wɔji dɔ Jɔb 33:12

M’a tel kilai dɔ ta’g neelé to gə́ i pa lée’g el, Mbata Ala to gə́ boo unda dəw.

Maktub gə́ wɔji dɔ Jɔb 33:13

See mbata ɗi ɓa i ndigi maḭ səa Mbata tura gə́ yeḛ tura goo néreaje ari el wa.

Maktub gə́ wɔji dɔ Jɔb 35:5

Maji kari aa dara gərərə oo: Maji kari aa mumje oo, deḛ to dɔi’g tar nu!

Maktub gə́ wɔji dɔ Jɔb 36:26

Ala to gə́ boo nɛ boo ləa dum gər ləm, Ləbeeje kara dum tura ləm tɔ.

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 37:5

Ala ndaŋg rəa gə ndia gə́ to ɓəl kədm-kədm, Yeḛ ra boo-néje gə́ jeḛ n’gər gin dee el.

Maktub gə́ wɔji dɔ Jɔb 42:3

I lé dəjim pana: See mbə-dəw gə́ ra ɓa askəm kar loondul dəb dɔ néje gə́ i wɔji-kwɔji ra lé wa. Bèe ya ma m’pata néje neelé lal gər ginee, To néje gə́ maji dum gə́ dum dɔm gə́ ma m’askəm kḛji gər el.

Maktub gə́ wɔji dɔ Jɔb 5:9

Yeḛ ra boo-néje gə́ dum gər ginee ləm, Yeḛ ra néje gə́ maji dum gə́ dum tura ləm tɔ.

Pakɔsje 139:6

Gosɔnégər gə́ maji dum gə́ togə́bè lé al dɔm sula, Dum dɔm ɓó m’askəm gər ginee el.

Pakɔsje 145:3

Njesigənea̰ lé to gə́ boo Gə́ kəm kiŋga pidi ləm, Boo ləa lé dum gər ya ləm tɔ.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Gosota-Kəmkàrje 30:4

See na̰ ɓa ḭ aw dara ɓa tel ree naŋg nee wa. See na̰ ɓa wa lel meḛ jia’g wa. See na̰ ɓa tɔ mán gə kubu ləa wa. See na̰ ɓa ar ŋgaŋ rudu naŋg nee to wa. See ria ban wa. See ri ŋgonee ban wa. See i gər ya wa.

Njekillamber 3:11

Yeḛ ra néje lai ar dee maji mee ndɔje’d gə́ wɔji dɔ dee dɔ dee, yeḛ ar takə̰ji si kəmba gə no̰ kara to meḛ dee’g, nɛ lé bèe kara dəw lé askəm gər né gə́ Ala ra kédé gə́ dɔtar saar ndɔ gə́ rudu lé el.

Njekillamber 7:24

Né gə́ nai əw ləm gə gelee uru yaa̰-yaa̰ ləm tɔ lé See na̰ ɓa askəm teḛ keneŋ wa.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

1 Njé gə́ Kɔrḭtə 2:10

Ndil ɓa Ala ar kəm sí inja ne dɔ néje’g neelé. Mbata Ndil neelé teg néje lai wɔgədɔ-wɔgədɔ, meekuru lə Ala gə́ suna godo nja kara yeḛ teg ləm tɔ.

1 Njé gə́ Kɔrḭtə 2:16

Mbata See na̰ ɓa gər takə̰ji lə Mbaidɔmbaije Mba ndée ne né wa. Nɛ jeḛ lé takə̰ji lə Kristi ɓa nai meḛ sí’g.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,