Maktub gə́ wɔji dɔ Jɔb 11:16 - Maktub gə́ To gə Kəmee

¹⁶ Mbata məəi a kwəi dɔ némeekonje’g ləi, Məəi a kolé dɔ’g asəna gə manje gə́ ula dəs bèe.

Maktub gə́ wɔji dɔ Jɔb 11:16 ပူးပေါင်းရင်းမြစ်များ

Gḭ-Néje 41:51

Jisəb unda ri ŋgondəree lə Manasə mbata yeḛ pana: Ala ar məəm wəi dɔ kula meekonje’g ləm lai ləm, gə dɔ kəi lə bɔmje’g lai ləm tɔ.

Gḭ-Néje 9:11

Ma man rɔm m’ar sí ya: néje gə́ d’aw kəmba lé mán bélm a tuji dee kára kara gogo el ŋga ləm, mán bélm lé a tuji naŋg nee gogo el ŋga ləm tɔ.

Maktub gə́ wɔji dɔ Jɔb 22:11

See i oo loo gə́ ndul njudu-njudu neelé ləm, Gə manje gə́ taa loo pəl-pəl gə́ tur dɔi ləm tɔ lé el wa.

Maktub gə́ wɔji dɔ Jɔb 6:15

Ŋgakɔmje to njésukəmje to gə́ kəm-rəw-mán gə́ tudu kurum-kurum Gə́ ər dəw bèe,

Gosota-Kəmkàrje 31:7

Maji karee ai mba kar mée wəi ne dɔ ndòo’g ləa ləm, Maji kar mée olé ne dɔ nékəmndooje’g ləa el ləm tɔ.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 54:9

A to kasəna gə mán gə́ mee ndəa’g ka̰ Noe lé Gə́ ma m’un ne ndum dɔ’g lé, Loo gə́ ma man rɔm gə mba kar manje Gə́ to d’asəna gə manje gə́ mee ndəa’g lə Noe lé D’a taa loo pəl-pəl dɔ naŋg nee el ŋga, Togə́bè ɓa ma man rɔm Gə mba kar məəm ḭ səm pu dɔ sí’g togə́bè el ŋga ləm, Gə mba ndaŋg sí ne el ŋga ləm tɔ.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Tagə́maji gə́ Ja̰ ndang 16:21

Loo gə́ ndóo to dené lé yeḛ si dan némeeko̰’g mbata kàree teḛ dəa’g, nɛ loo gə́ yeḛ oji ŋgon mba̰ ndá rəa lelee ar mée wəi dɔ ndóo’g sel mbata ŋgon gə́ yeḛ ojee ilá naŋg lé.