Maktub gə́ wɔji dɔ Jɔb 11:14 - Maktub gə́ To gə Kəmee

¹⁴ Maji kari unda rɔi ŋgərəŋ dɔ néra kori-kori’g ləm, Ya̰ loo ar néra gə́ lal najee to mee kəi’g ləi el ləm tɔ.

Maktub gə́ wɔji dɔ Jɔb 11:14 ပူးပေါင်းရင်းမြစ်များ

Gḭ-Néje 4:7

Tɔgərɔ ya, ɓó lé i ra maji ndá i a kun dɔi tar gogo ɓəi. Nɛ ɓó lé i ra majel ndá kaiya to takəi’g ləi, yee ndiŋga rəa gə mba kwai nɛ i lé maji kari dum dəa ɓa.

2 Mbaije 17:13

Njesigənea̰ ar njéteggintaje ləa gə njékaḭkulaje ləa lai ndəji Israɛlje gə Judaje d’ula dee ne pana: Maji kar dee d’ya̰ goo rəw néraje gə́ majel lə dee ləm, d’aa dɔ ndukunje lə neḛ gə godnduje lə neḛ ləma, d’un ne goo godndu gə́ neḛ n’ar bɔ deeje-je lé lad-lad ləma, gə n’ula ne kuraje lə neḛ gə njéteggintaje lə neḛ rɔ dee’g gə mbəa ləm tɔ.

Maktub gə́ wɔji dɔ Jɔb 22:23

Ɓó lé i tel ree rɔ Bao-siŋgamoŋ’d ləm, Ɓó lé i ɔs néraje gə́ kori-kori rɔi’g rəw ləm tɔ ndá I a tel si maji ɓəi.

Maktub gə́ wɔji dɔ Jɔb 22:5

See némeeyèr ləi to yaa̰ el wa. See néra kori-korije ləi al dɔ loo el wa.

Maktub gə́ wɔji dɔ Jɔb 34:32

Né gə́ neḛ n’gər el lé maji karee tɔji neḛ ləma, Ɓó lé neḛ n’ra né gə́ to gə dɔ najee el kara N’a tel ra gogo el ŋga ləm tɔ, see a pa bèe wa.

Maktub gə́ wɔji dɔ Jɔb 4:7

Maji kari ə̰ji ta məəi’g oo: See dəw gə́ ta wa dəa el gə́ ra ɓa tuji wa. Esé see njéra nédanaje gə́ ra ɓa d’udu guduru wa.

Maktub gə́ wɔji dɔ Jɔb 8:6

Ɓó lé i to njemeekarabasur gə njera nédana ləm tɔ ndá Tɔgərɔ, yeḛ a kaa dɔi kər-kər Gə mba tel kari si dan maji’g loo-sii’d gə́ ta wa dɔi keneŋ el lé.

Pakɔsje 101:2

M’a kunda kəmkàr dɔ rɔm’g dɔ rəw gə́ danasur’g. See ndɔ gə́ ra ɓa i a ree pər gə́ rɔm’g ɓəi wa. Ma lé m’a njaa mbuna njémeekəije’g ləm lé gə meendakaḭ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Samel 7:3

Samel ula ginkoji Israɛlje lai pana: Ɓó lé seḭ telje reeje rɔ Njesigənea̰’g gə ŋgaw meḛ sí bura ndá tɔrje magəje gə́ dɔ ɓee’g ləm, gə magəje gə́ ri dee lə Astarte ləm tɔ mbuna sí’g ndá arje meḛ sí to gə́ dɔ Njesigənea̰’g ləm, raje né areeje-yeḛ nja kára ba ləm tɔ. Yee ɓa yeḛ a kɔr sí ne ji Pilistije’g kɔm sí tar ya.