Maktub gə́ wɔji dɔ Jɔb 11:13 - Maktub gə́ To gə Kəmee

¹³ Nɛ i lé maji kari tel məəi par gə́ rɔ Ala’g ləi ləm, Maji kari ula jii ndiŋ gə́ rəa’g gə tamaji ləi ləm tɔ.

Maktub gə́ wɔji dɔ Jɔb 11:13 ပူးပေါင်းရင်းမြစ်များ

2 Sôrta Gḭka Israɛlje 12:14

Yeḛ ra némajel mbata yeḛ ndolè goo Njesigənea̰ gə mée gə́ kára ba sur el.

2 Sôrta Gḭka Israɛlje 19:3

Nɛ yeḛ iŋga néje gə́ maji məəi’g mbata i tuji magəje mee ɓee’g ləm, i wa məəi kɔgərɔ ndolè ne goo Ala ləi ləm tɔ.

Maktub gə́ wɔji dɔ Jɔb 15:12

See ban ɓa i ya̰ loo ar məəi ndɔri aw səi əw wa. See gel kunda kḭdi ləi to ɗi wa.

Maktub gə́ wɔji dɔ Jɔb 22:23

Ɓó lé i tel ree rɔ Bao-siŋgamoŋ’d ləm, Ɓó lé i ɔs néraje gə́ kori-kori rɔi’g rəw ləm tɔ ndá I a tel si maji ɓəi.

Maktub gə́ wɔji dɔ Jɔb 22:27

I a ra tamaji təa’g ndá yeḛ a koo ta ləi, Tɔɓəi i a tɔl ne ta ndukunje ləi bém tɔ.

Maktub gə́ wɔji dɔ Jɔb 5:17

Rɔlel nai gə dəw gə́ Ala wɔjee kəmkàr, Maji kari ɔs takwɔji-kəmkàr lə Bao-siŋgamoŋ rəw el.

Maktub gə́ wɔji dɔ Jɔb 5:8

Ma lé Ala ɓa m’a ra ndòo rəa’g ləm, Ala ɓa m’a kunda ta ləm nea̰’g ləm tɔ.

Pakɔsje 143:6

M’odo jim m’ula ndiŋ gə́ rɔi’g ya ləm, Ŋgaw məəm əmə biriri-biriri gooi’g Asəna gə dɔ naŋg gə́ tudu kurum-kurum Gə́ ndiŋga mán keneŋ bèe ləm tɔ.

Pakɔsje 68:31

Da gə́ loo-siée to mee mu-kwaa’g ləm, Gə koso-bɔ maŋgje gə ŋgan maŋgje lə koso-dəwje neelé Gə́ d’unda barmba nɔḭ’g gə larndaje lə dee ləm tɔ lé Maji kari ḭ sə dee ar dee ndəb pəd-pəd, Koso-dəwje gə́ mal rɔ ra dee kara Maji kari sané dee kad-kad ləm tɔ.

Pakɔsje 77:2

M’ɔr ndum gə́ tar gə́ rɔ Ala’g lé m’ra ne né wəl, M’ɔr ndum gə́ tar gə́ rɔ Ala’g lé ndá yeḛ a koo ndum ya tɔ.

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Nɔ̰-ndôo gə́ wɔji dɔ Jerusalem 3:41

Ar sí n’raje tamaji gə ŋgaw meḛ sí bura J’odoje ne ji sí par gə́ rɔ Ala gə́ si dara.

Lugu 12:47

Kura gə́ gər godndu mbai ləa nɛ yeḛ wa dɔ gɔl rəa el ləm, ra torndia el ləm tɔ ndá d’a kundá yaa̰ kar rəa ila ɓiriri-ɓiriri.

1 Samel 7:3

Samel ula ginkoji Israɛlje lai pana: Ɓó lé seḭ telje reeje rɔ Njesigənea̰’g gə ŋgaw meḛ sí bura ndá tɔrje magəje gə́ dɔ ɓee’g ləm, gə magəje gə́ ri dee lə Astarte ləm tɔ mbuna sí’g ndá arje meḛ sí to gə́ dɔ Njesigənea̰’g ləm, raje né areeje-yeḛ nja kára ba ləm tɔ. Yee ɓa yeḛ a kɔr sí ne ji Pilistije’g kɔm sí tar ya.