Maktub gə́ wɔji dɔ Jɔb 11:11 - Maktub gə́ To gə Kəmee

¹¹ Mbata yeḛ gər dəwje gə́ gə mḭdé ba ləm, Deḛ gə́ ta wa dɔ dee kara yeḛ gər dee kalaŋ ləm tɔ.

Maktub gə́ wɔji dɔ Jɔb 11:11 ပူးပေါင်းရင်းမြစ်များ

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Maktub gə́ wɔji dɔ Jɔb 28:24

Mbata yeḛ nja oo loo ɔr gwɔi naŋg nee njal ləm, Yeḛ oo néje lai gə́ to gel dara’g ləm tɔ.

Maktub gə́ wɔji dɔ Jɔb 31:4

See Ala gər rəw-kabmje el wa. See yeḛ tura kila gɔlmje lai el wa.

Pakɔsje 10:11

Yeḛ ə̰ji ta mée’g pana: Mee Ala wəi dɔ néra neḛ’g. Kəm Ala libi dɔ’g ɓó yeḛ oo nda̰ el.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 33:13

Njesigənea̰ lé si mee dara gə́ tar Aa loo oo ne dəwje lai.

Pakɔsje 35:22

Njesigənea̰, i lé oo gao ya! Maji kari si dɔ mundu el! Mbaidɔmbaije, maji kari unda rɔi ɓad rɔm’g el!

Pakɔsje 94:11

Njesigənea̰ lé gər takə̰ji lə dəw Yeḛ gər gao to gə́ to né gə́ gə mḭdé ba ya.

Njekillamber 5:8

Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.