Maktub gə́ wɔji dɔ Jɔb 10:3 - Maktub gə́ To gə Kəmee

³ See i oo gə́ né gə́ maji mba kula kəm ndòo ləm, Gə kɔs kula gə́ i ra gə jii ɓa ŋgərəŋ ləma, Gə mba kar meemaji ləi to dɔ loo-kwɔji-na̰-ta’g lə njémeeyèrje’g ləm tɔ wa.

Maktub gə́ wɔji dɔ Jɔb 10:3 ပူးပေါင်းရင်းမြစ်များ

Maktub gə́ wɔji dɔ Jɔb 10:8

Jii ɓa i undam ne ləm, i ubam ne ləma, I ram ne bura ləm tɔ. Ŋga see i ndigi tujim pugudu wa.

Maktub gə́ wɔji dɔ Jɔb 14:15

I a ɓarm ndá m’a tel kilai’g, I a ndiŋga rɔi mba koo kula gə́ i ra gə jii lé.

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Maktub gə́ wɔji dɔ Jɔb 16:11

Ala ubam ya̰’m ji njéra né kori-korije’g ləm, Yeḛ ɔsm piriŋ ilam ji njémeeyèrje’g ləm tɔ.

Maktub gə́ wɔji dɔ Jɔb 19:6

Maji kar sí gərje gao to gə́ Ala nja ɓa tubam ləm, Yeḛ nja ɓirim gə wul-ba̰də ləa ləm tɔ.

Maktub gə́ wɔji dɔ Jɔb 21:16

Sèm, see némajije lə dee to meḛ ji dee’g mba̰ el wa. Ma m’ndigi taa takwɔji-kəmkàr lə njémeeyèrje el.

Maktub gə́ wɔji dɔ Jɔb 22:18

Lé bèe kara Ala nja ar némajije taa mee kəije lə dee pəl-pəl. Ma m’ndigi taa ta-kwɔji kəmkàr lə njémeeyèrje el!

Maktub gə́ wɔji dɔ Jɔb 27:2

Ala gə́ mbad kɔr kəm ta ləm lé to Njesikəmba. Bao-siŋgamoŋ gə́ ar meekad mbag-mbag taa məəm pəl-pəl lé to Njesikəmba tɔ.

Maktub gə́ wɔji dɔ Jɔb 30:21

I tel ra səm kədərə ləm, I rɔ səm gə jii gə́ ɓar mèr-mèr ləm tɔ.

Maktub gə́ wɔji dɔ Jɔb 31:15

Yeḛ gə́ njekṵdam-ma mee kɔmje’g lé see undá-yeḛ to el wa. See Ala gə́ kára ba lé nja to njegɔl sí meḛ ko̰ síje’g el wa.

Maktub gə́ wɔji dɔ Jɔb 33:4

Ndil Ala ɓa undam, Kəmə lə Bao-siŋgamoŋ ɓa am m’isi ne kəmba ya.

Maktub gə́ wɔji dɔ Jɔb 40:2

See njemaḭta gə Bao-siŋgamoŋ lé see ta dumee wa. See dəw gə́ maḭta gə Ala see yeḛ aw gə ta gə́ kəm kila’g wa.

Maktub gə́ wɔji dɔ Jɔb 40:8

See i a tuji rəwta-gaŋg ləm wa. See i a kila ta dɔm’g ɓa mba kɔr ne ta dɔi’g wa.

Maktub gə́ wɔji dɔ Jɔb 8:20

Wah! Dəw gə́ njera né gə goo rəbee-rəbee lé Ala ubá yá̰ el, Yeḛ aḭ bada dɔ njémeeyèrje’g el tɔ.

Maktub gə́ wɔji dɔ Jɔb 9:22

Néje lai asəna. Yee ɓa m’pa ne m’pana: Dəw gə́ ta wa dəa el lé yeḛ tujee to gə́ tuji ne dəw gə́ ta wa dəa bèe ya tɔ.

Maktub gə́ wɔji dɔ Jɔb 9:24

Dɔ naŋg lé d’ya̰ meḛ ji njémeeyerje’g, Ala ar kəm njégaŋ-rəwtaje libi dɔ’g. Ɓó lé to yeḛ el ŋga see na̰ ɓəi wa.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 138:8

Njesigənea̰ a ra néje lai karee maji am, Njesigənea̰, meemaji ləi lé to saar gə no̰. Néje gə́ i ra gə jii lé maji kari uba dee ya̰ dee el.

Pakɔsje 69:33

Njénékəmndooje lé d’oo ndá d’al ne rɔ dee ya. Seḭ gə́ saŋgje Ala Maji kar meḛ sí to kəmba ya!

Esai 64:8

Ǝi Njesigənea̰, ar oŋg ləi al dɔ loo sula el, Ar məəi olé dɔ néra majelje’g lə sí saar-saar el, Aa oo, jeḛ n’toje gə́ dəwje ləi ya.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.