Maktub gə́ wɔji dɔ Jɔb 10:14 - Maktub gə́ To gə Kəmee

¹⁴ Ɓó lé m’ra kaiya ndá i oom gao, I ar məəi oso lemsé dɔ néra kori-kori’g ləm el.

Maktub gə́ wɔji dɔ Jɔb 10:14 ပူးပေါင်းရင်းမြစ်များ

Maktub gə́ wɔji dɔ Jɔb 14:16

Nɛ ɓasinè i tura kila gɔlmje ləm, Kəmi oso dɔ kaiya ramje’g ləm tɔ,

Maktub gə́ wɔji dɔ Jɔb 33:9

I to njemeenda ləm, i ra kaiya kára el ləm, I maji ɔr njoroŋ ləma, néra gə́ kori-kori godo rɔi’g ləm tɔ.

Maktub gə́ wɔji dɔ Jɔb 34:22

Loo gə́ ndul njudu-njudu gə́ dəb bigim Gə́ njéra né kori-korije d’askəm k’iya rɔ dee keneŋ lé godo.

Maktub gə́ wɔji dɔ Jɔb 7:20

Ɓó lé m’ra kaiya ndá see ɗi ɓa m’askəm ra səi wa, i njekaa dɔ dəwje. See gelee ban ɓa i undam gə́ nékwɔji ndo̰ niŋgaje ləi Gə mba karm m’tel to nékodo gə́ wɔi dɔ rɔm’g wa.

Maktub gə́ wɔji dɔ Jɔb 7:21

See gelee ban ɓa i ar məəi oso lemsé dɔ kaiya’g ləm el ləm, I ar məəi wəi dɔ néra kori-korije’g ləm el ləm tɔ wa. Mbata ɓasinè m’a gə to babur’g. I a saŋgəm nɛ a koom el tɔ.

Maktub gə́ wɔji dɔ Jɔb 9:28

Némeeko̰je ləm lai d’ar ɓəl undam badə gaŋgm. Ma m’gər gao i a koom gə́ dəw gə́ ta wa dəa el lé nda̰ el.

Pakɔsje 130:3

Njesigənea̰, ɓó lé i ar məəi olé dɔ néra kori-korije’g lə dəwje ndá Mbaidɔmbaije, see na̰ ɓa a si kəmba ɓəi wa.

Pakɔsje 139:1

Pakɔs lə Dabid gə́ bao-pa ɔs sə dee lé. Njesigənea̰, i nja naa meekuru ləm, i gərm gao.

Pakɔsje 90:8

I unda néra kori-korije lə sí nɔḭ’g ləm, Néra sí gə́ majel gə́ jeḛ n’raje loo-ŋgəḭ’g lé Lookàr ləi riba dəa təsərə gə́ raga nɔḭ’g ləm tɔ.

Teḛ-Raga 34:7

meenoji ləa to saar-saar mbata lə ŋgaka deeje gə́ tɔl-dɔg-loo kára ləm, yeḛ ar mée oso lemsé dɔ deḛ gə́ néra dee to gə goo rəbee el ləm, gə dɔ njékal dɔ godnduje ləma, gə dɔ kaiya ra dee’g ləm tɔ, nɛ dəw gə́ ta wa dəa mba̰ lé yeḛ a kée gə́ njegelgodo el ləm, a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g ləm, gə ŋgan meḛ ŋgan deeje ləm tɔ saar teḛ ne dɔ ŋgakadɔg deeje’g loo munda əsé loo sɔ bèe ya.

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Bula lə Israɛlje 14:18

Njesigənea̰ lé oŋg ḭ səa kalaŋ el ləm, yeḛ to bao-meemaji ləma, yeḛ ar mée ti mbidi dɔ néra gə́ kori-kori’g ləm gə dɔ kal dɔ godndu’g ləm tɔ, nɛ yeḛ gə́ ta wa dəa mba̰ lé yeḛ a kée gə́ njegelgodo el ləm, yeḛ a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g saar teḛ ne dɔ ŋgakadɔg deeje gə́ loo munda əsé sɔ ləm tɔ.