Maktub gə́ wɔji dɔ Jɔb 1:8 - Maktub gə́ To gə Kəmee

⁸ Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Maktub gə́ wɔji dɔ Jɔb 1:8 ပူးပေါင်းရင်းမြစ်များ

2 Mbaije 23:25

Kédé ɓa kar Jojias to ne mbai ɓəi lé mbai gə́ raŋg gə́ njendigi Njesigənea̰ gə ŋgaw mée bura gə rəa bura gə siŋgarea bura gə goo taje lai gə́ godndu Moyis pa to gə́ yeḛ bèe lé godo ləm, njetana səa gə́ gée gə́ gogo kara godo ləm tɔ.

Nehemi 5:15

Njéguburuɓeje gə́ nɔm’g kédé lé d’unda nékodo gə́ wɔi dɔ koso-dəwje’g taa ne muru lə dee ləm, gə taa ne mán-nduú lə dee ləma, gə ŋgan larnda rɔ-sɔ-sɔ ləm tɔ. Kuraje lə dee ya kara d’ula kəm koso-dəwje ndòo tɔ. Nɛ ma m’ɓəl Ala ɓó m’ra togə́bè el.

Maktub gə́ wɔji dɔ Jɔb 1:1

Dəw kára ria lə Jɔb si mee ɓee gə́ Uts. Dəw neelé to njera né gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, yeḛ unda ria ɓad dɔ néra gə́ majel’g ləm tɔ.

Maktub gə́ wɔji dɔ Jɔb 12:4

Ma m’to nékunda-kogo lə baokuraje ləm Loo gə́ m’dəji Ala karee la səm, Dəw gə́ njemeekarabasur ləm, gə́ ta wa dəa el ləm tɔ lé to nékunda-kogo ya.

Maktub gə́ wɔji dɔ Jɔb 2:1

Tɔɓəi ndɔ kára bèe loo gə́ kuraje lə Ala gə́ dara ree d’aar nea̰’g ndá Njekurai kara ree aar sə dee na̰’d no̰ Njesigənea̰’g tɔ.

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 34:14

Ɓó lé yeḛ ə̰ji dɔ rəa-yeḛ’g ya kára ba ləm, Ɓó lé yeḛ tel gə ndilee gə kəmə ləa rəa’g ləm tɔ ndá

Maktub gə́ wɔji dɔ Jɔb 8:20

Wah! Dəw gə́ njera né gə goo rəbee-rəbee lé Ala ubá yá̰ el, Yeḛ aḭ bada dɔ njémeeyèrje’g el tɔ.

Pakɔsje 18:23

Ndukunje ləa lai to nɔm’g ya. Ma nja kara m’ɔs rɔm rəw dɔ torndiaje’g el.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 36:1

Pa lə Dabid gə́ to kura lə Njesigənea̰ gə́ ar bao-pa mba karee ɔs sə dee lé.

Pakɔsje 37:27

Maji kari unda rɔi ɓad dɔ néra gə́ majel’g ndá Ra né gə́ maji, Bèe ɓa i a kiŋga ne loo-sii saar gə no̰.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 89:20

Yen ɓa i pa ne ta ar majikojije d’oo ne né gə́ mḭdi pana: N’aw n’la gə bao-siŋgamoŋ lé N’ɔr basa kára mbuna koso-dəwje’g ya.

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Esai 1:16

Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Ejekel 40:4

Dəw neelé ulam pana: I ŋgon-dəw lé maji kari aa loo gə kəmi ləm, tuga mbii oo ne ta ləm tɔ! I orè kəmi sḭ dɔ néje lai gə́ m’a gə tɔjii’g mbata deḛ ree səi loo gə́ nee’g mba karm m’tɔjii néje neelé. Néje lai gə́ a gə koo lé maji kari tegginee ar gel-bɔje lə Israɛl lai d’oo.

Bula lə Israɛlje 12:3

Ndá Njesigənea̰ oo ta lə dee ya. Lé bèe kara Moyis to njemeekila gə́ ur dɔ dəwje lai gə́ d’isi dɔ naŋg nee ya.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Jujé 1:2

Moyis gə́ to kura ləm lé wəi mba̰, ḭta ɓasinè ya gə́ gaŋg baa gə́ Jurdɛ̰ gə́ nee, i gə koso-dəwje neelé lai gə mba kandə ne mee ɓee gə́ ma m’ar Israɛlje lé.

Jujé 1:7

Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.