Maktub gə́ wɔji dɔ Jɔb 1:6 - Maktub gə́ To gə Kəmee

⁶ Yen ŋga ndɔ kára bèe kuraje lə Ala gə́ dara ree d’aar nea̰’g ndá Njekurai kara ree aar dan dee’g tɔ.

Maktub gə́ wɔji dɔ Jɔb 1:6 ပူးပေါင်းရင်းမြစ်များ

Gḭ-Néje 6:2

ŋgan-Alaje gə́ diŋgam d’oo to gə́ ŋgan dəwje gə́ dené lé ma̰də kəm dee’g ndá deḛ mbər njé gə́ na̰je mbuna dee-deḛ lai gə́ taa kəm dee lé, taa deḛ gə́ denéje lə dee.

Gḭ-Néje 6:4

Mee ndəaje’g neelé dəwje gə́ ŋgal pur-pur d’isi dɔ naŋg nee ya gə goo kɔm gə́ ŋgan-Alaje gə́ diŋgam d’ɔm na̰’d gə ŋgan dəwje gə́ dené ar dee d’oji ne ŋganje lé. Deḛ nja to dəwje gə́ ləw gə́ to ɓəl kədm-kədm gə́ ri dee ɓar yaa̰.

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

1 Sôrta Gḭka-Israɛlje 21:1

Njekurai ḭ oma̰ gə Israɛlje ndá yeḛ ɔs Dabid ɓɔḭ-ɓɔḭ aree ar dee tura Israɛlje mba gər ne bula lə dee.

2 Sôrta Gḭka Israɛlje 18:20

Bèe ɓa ndil kára ree aar no̰ Njesigənea̰’g ulá pana: Ma ɓa m’a kaw su kəmee. Njesigənea̰ dəjee pana: See a su kəmee to gə́ ban wa.

Maktub gə́ wɔji dɔ Jɔb 2:1

Tɔɓəi ndɔ kára bèe loo gə́ kuraje lə Ala gə́ dara ree d’aar nea̰’g ndá Njekurai kara ree aar sə dee na̰’d no̰ Njesigənea̰’g tɔ.

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 38:7

Mee ndəa gə́ kéréméje gə́ gə ndɔ nduba rɔ dee gə pa kalrɔ ləm, Kuraje lə Ala gə́ dara d’ɔr ndu dee gə́ tar wəl gə rɔlel ləm tɔ lé wa.

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Loo gə́ killa rea kəm Daniel’g 3:25

Yeḛ tel pa pana: Ŋga, ma lé m’oo dəwje sɔ gə́ né gə́ tɔ dee ne lé godo rɔ dee’g ləm, deḛ njaa dan pər’g nɛ pər ra sə dee né el ləm tɔ, tɔɓəi njekɔm dee gə́ sɔ lé kəmee to tana gə kəm ŋgolə magəje bèe.

Jakari 3:1

Yeḛ am m’oo Jujee ŋgɔ-njekinjanéməs gə́ aar tar no̰ kura’g lə Njesigənea̰ ndá Njekurai aar dɔ jikɔlee’g gə mba kila ta dəa’g.

Matiyo 18:10

Meḛ sí dɔ rɔ sí’g nà seḭ a kulaje sul dɔ ŋgon kára gə́ mbuna mareeje’g neelé mbata ma m’ula sí təsərə, kuraje lə dee gə́ dara d’aar nderəm ta Bɔm gə́ si dara lé.

Lugu 22:31

Mbaidɔmbaije pana: Simo̰, Simo̰, Njekurai dəji loo gə mba ɗigi sí to gə́ ɗigi ne kó bèe.

Lugu 3:38

gə́ to ŋgolə Enɔs, gə́ to ŋgolə Set, gə́ to ŋgolə Adam, gə́ to ŋgolə Ala lé.

Tagə́maji gə́ Ja̰ ndang 6:70

Jeju ila dee keneŋ pana: See to ma nja ɓa m’ɔr sí dɔg-gir-sí-joo lé el wa. Nɛ yeḛ gə́ kára mbuna sí’g lé to gə́ njendil gə́ yèr.