Maktub gə́ wɔji dɔ Jɔb 1:3 - Maktub gə́ To gə Kəmee

³ Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Maktub gə́ wɔji dɔ Jɔb 1:3 ပူးပေါင်းရင်းမြစ်များ

Gḭ-Néje 12:16

Parao̰ lé ra gə Abram meemaji gə mbata ləa. Togə́bè Abram iŋga badje ləm, gə maŋgje ləm, gə mulayḛ̀je-je ləm, gə ŋganjélookisije gə́ diŋgam gə njé gə́ dené ləm, gə ko̰-mulayḛ̀je-je ləma, gə jambalje ləm tɔ.

Gḭ-Néje 12:5

Abram un Sarai gə́ to dené ləa gə ŋgolə ŋgokea̰ gə́ diŋgam gə́ Lɔt lé ar d’aw səa na̰’d, tɔɓəi yeḛ odo nékiŋgaje lə deḛ lai gə́ d’iŋga ləm, dəwje lai gə́ d’iŋga dee Haran kara d’ḭ d’aw sə dee na̰’d ləm tɔ. Deḛ d’ḭ gə mba kaw ɓee gə́ Kana̰ ndá deḛ teḛ mee ɓee gə́ Kana̰ lé ya tɔ.

Gḭ-Néje 13:6

Ndá gad loo neelé as kar dee d’isi na̰’d keneŋ el mbata néje lə dee to yaa̰ ar dee d’askəm kisi na̰’d loo kára ba el.

Gḭ-Néje 24:35

Njesigənea̰ tɔr ndia dɔ ɓémje saar-saar aree tel to ne dəw gə́ boo. Yeḛ aree badje gə maŋgje ləm, larnda gə larlɔr ləm, ŋganjélookisije gə́ diŋgam gə njé gə́ dené ləma, jambalje gə mulayḛ̀je-je ləm tɔ.

Gḭ-Néje 25:6

Ŋganje gə́ yeḛ oji dee gə gamla-denéje ləa kara yeḛ ar dee nénojije tɔ. Ndá loo gə́ yeḛ si kəmba ɓəi ndá yeḛ ar dee d’ya̰ ŋgonee Isaak d’aw əw par gə́ kel dɔ naŋg ɓee gə́ Bər lé.

Gḭ-Néje 29:1

Jakob ḭ njaa ɔd aw teḛ ɓee lə ŋganje gə́ Bər.

Gḭ-Néje 32:14

Lée gə́ neelé ɓa Jakob to keneŋ loondul’g. Ndá yeḛ unda kəm néje gə́ to jia’g mba kula ne kar Esawu gə́ to ŋgokea̰ lé gə́ nénoji to togə́bè:

Gḭ-Néje 34:23

Koso-nékulje lə dee ləm, némajije lə dee ləma, boo-nékulje lə deḛ lai ləm tɔ lé see d’a tel to ka̰ síjeḛ el wa. Ndá maji kar sí ndigije sə dee dɔ né gə́ kára ba gə́ deḛ d’wɔji sə sí lé ya mba kar dee d’isi ne sə sí tɔ.

2 Samel 12:2

Bao lé badje gə maŋgje ləa bula yaa̰-yaa̰.

2 Mbaije 15:20

Menahem gaŋg lar neelé dɔ Israɛlje lai gə́ to baoje mba kar mbai gə́ Asiri lé, nana kara gaŋg larnda dəa’g rɔ-mi rɔ-mi. Mbai gə́ Asiri tel aw ne ɓee ləa ɓó aar naŋg mee ɓee’g el.

2 Mbaije 3:4

Mesa, mbai gə́ Moab lé badə-kosoje ləa bula yaa̰, négədɓee gə́ yeḛ ar mbai gə́ Israɛl gə ləb kára-kára lé to ŋgan badje tɔl-dɔg-loo-tɔl (100.000) gə bàl badje tɔl-dɔg-loo-tɔl (100.000) gə bḭ dee na̰’d tɔ.

1 Sôrta Gḭka-Israɛlje 27:30

Obil, ŋgoka Ismael to njekaa dɔ koso-jambalje, Jedia, dəw gə́ Meronot to njekaa dɔ koso-mulayḛ̀jeje,

2 Sôrta Gḭka Israɛlje 26:10

Yeḛ ra kəije gə́ duu dɔ loo dɔdilaloo’g ləm, yeḛ ur bwa-manje bula yaa̰ keneŋ ləm tɔ, mbata yeḛ aw gə nékulje bula yaa̰ mee wəl-looje’g gə ndag-looje’g ləm, njḛ́dɔ-ndɔje ləa, gə njéŋgəm ndɔ-nduúje ləa d’isi dɔ mbal gə́ Karmel ləm tɔ mbata yeḛ unda ndɔ dan kəmee’g ya.

2 Sôrta Gḭka Israɛlje 32:29

Yeḛ ra ɓee-booje ləm, yeḛ iŋga koso-nékulje gə́ d’aw dèm-dèm, deḛ gə́ lam-lam əsé deḛ gə́ boi-boi tɔ, mbata Ala aree nébaoje yaa̰ ya.

Maktub gə́ wɔji dɔ Jɔb 1:10

See i ula ŋgalaŋ gugu ne dəa gə dɔ njémeekəije ləa gə dɔ néje ləa lai el wa. I tɔr ndui dɔ kula gə́ yeḛ ra ndá koso-nékulje ləa kara taa mee ɓee pəl-pəl.

Maktub gə́ wɔji dɔ Jɔb 1:4

Ŋganeeje gə́ diŋgam d’aw kəi lə na̰ gə goo na̰ goo na̰ d’o̰ muru-gad, tɔɓəi deḛ ɓar ŋgako̰ deeje gə́ dené gə́ munda lé d’ar dee d’usɔ gə d’ai sə dee na̰’d tɔ.

Maktub gə́ wɔji dɔ Jɔb 21:28

Seḭ pajena: See kəi lə dəw gə́ njesiŋgamoŋ lé to ra ɓəi wa. See kəi si njémeeyèrje lé to ra ɓəi wa.

Maktub gə́ wɔji dɔ Jɔb 29:25

Ma m’aw rɔ dee’g ndá m’isi gə́ dəw dɔ dee, M’to asəna gə mbai bèe mbuna njérɔje’g ləm, M’to asəna gə njegɔl meḛ deḛ gə́ d’isi dan nékəmndoo’g bèe ləm tɔ.

Maktub gə́ wɔji dɔ Jɔb 31:25

Ɓó lé ma m’al rɔm gə mba boo némajije ləm, Esé gə mba bula lə nébaoje gə́ ma m’iŋga ləm tɔ,

Maktub gə́ wɔji dɔ Jɔb 31:37

Ma tura kila gɔlmje lai karee ləm, Ma kaw pər gə́ rəa’g asəna gə dəw gə́ boo bèe ləm tɔ.

Maktub gə́ wɔji dɔ Jɔb 42:10

Njesigənea̰ tel gə Jɔb loo-siée gə́ yeḛ si ne dan maji’g kédé lé loo gə́ Jɔb ra tamaji ta Njesigənea̰’g mbata lə baokuraje ləa. Tɔɓəi Njesigənea̰ ar Jɔb néje dɔ maree’d gə́ yeḛ iŋga kédé lé as gɔl joo.

Maktub gə́ wɔji dɔ Jɔb 42:12

Togə́bè ɓa Njesigənea̰ tɔr ne ndia dɔ rudu ləbje gə́ Jɔb si ne kəmba yaa̰ unda njé gə́ kédé. Yeḛ aree badje as tɔl-dɔg-loo dɔg-giree sɔ (14.000) ləm, gə jambalje as tɔl-dɔg-loo misa̰ (6.000) ləm, gə bɔ maŋgje gə́ d’wa dee na̰’d joo-joo tɔl-dɔg (1.000) ləma, gə ko̰-mulayḛ̀je-je as tɔl-dɔg (1.000) ləm tɔ.

Gosota-Kəmkàrje 10:22

Ndutɔr lə Njesigənea̰ ɓa Ar dəw tel to ne bao, Tɔɓəi yeḛ ila nékəmndoo kára kara dɔ’g el.

Jeremi 49:28

Ta gə́ wɔji dɔ njé gə́ Kedar ləm, gə ɓeeko̰je gə́ Asɔr gə́ Nebukadnesar, mbai gə́ Babilɔn dum dɔ dee ləm tɔ. Njesigənea̰ pa togə́bè pana: Ḭje tar aw rɔje gə njé gə́ Kedar Ndá tujije ŋgalə njé gə́ Bər.

Bula lə Israɛlje 23:7

Balaam ula dee ta ləa gə ndəree togə́bè pana: Balak lé am m’ḭ Aram m’ree ləm, Mbai gə́ Moab am m’ḭ dɔ mbalje gə́ ri dee lə Ber m’risi m’ur naŋg ləm tɔ pana: M’ree, m’pata m’ila ne ndɔl dɔ Jakob’g m’ar neḛ! M’ree m’ar oŋg ləm ḭ səm dɔ Israɛlje’g to!

Njéga̰g-Rəwtaje 6:3

Loo gə́ Israɛlje dubu né mba̰ ndá Madianje, gə Amalekje, gə njé gə́ Bər d’ḭ d’ɔm na̰’d d’aw rɔ sə dee.

Njéga̰g-Rəwtaje 6:5

Mbata deḛ d’aw gə koso-nékulje lə dee gə kəi-kubuje lə dee ləm, deḛ d’aw dèm-dèm to gə́ beedéje gə́ dum tura bèe ləm tɔ, deḛ gə jambalje lə dee lé bula digi-digi ndá ree mee ɓee’g neelé mba tujee tɔ.

Njéga̰g-Rəwtaje 7:12

Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.

Njéga̰g-Rəwtaje 8:10

Jeba gə Salmuna d’isi Karkɔr gə njérɔje lə dee gə́ d’as tɔl-dɔg-loo dɔg-giree-mi (15.000) jén bèe. To ges njérɔje gə́ nai mbuna njé gə́ Bər’g, mbata deḛ tɔl njérɔ gə kiambasje gə́ tɔl-dɔg-loo-tɔl gə dəa rɔ-joo (120.000) lé mba̰.

1 Samel 25:2

Dəw kára bèe gə́ to bao si Maon, ar némajije ləa to Karmel tɔ. Yeḛ neelé badje ləa d’aḭ tɔl-dɔg-loo-munda (3.000) ləm, ko̰ bya̰je ləa tɔl-dɔg (1.000) ləm tɔ. Yeḛ aw si Karmel mba tḭja bḭ badje ləa.

1 Samel 27:9

Dabid tuji ɓeeje neelé pugudu-pugudu. Yeḛ ya̰ diŋgam əsé dené kára kara kəmba el ndá yeḛ ɔr badje gə maŋgje gə jambalje gə kubuje tɔ, tel aw ne ɓee lə Akis lé.