Maktub gə́ wɔji dɔ Jɔb 1:21 - Maktub gə́ To gə Kəmee

²¹ ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Maktub gə́ wɔji dɔ Jɔb 1:21 ပူးပေါင်းရင်းမြစ်များ

Gḭ-Néje 3:19

I a kinja təd ŋgo nɔḭ’g bur ɓa A sɔ né ɓəi Saar i a kandə ne naŋg gogo Loo gə́ i ḭ keneŋ lé, Mbata i to nduji naŋg Ndá i a tel to nduji naŋg gogo ya tɔ.

Gḭ-Néje 30:2

Mee Jakob ḭ səa pu dɔ Rasel’g aree pa pana: See ɓasinè ma nja ŋga m’taa tor Ala gə́ njekɔgi koji ŋgon wa.

Gḭ-Néje 45:5

Ɓasinè lé arje meeko̰ ra sí el ləm, arje oŋg ḭ sə sí gə mba ndogo gə́ seḭ ar deeje ndogəm sə sí ree səm nee lé el ləm tɔ mbata yee ɓa Ala ulam ne no̰ sí’g gə mba kaji sí ne.

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

1 Mbaije 12:15

Togə́bè ɓa mbai lé oo ne ta lə koso-dəwje lé el. Mbata Njesigənea̰ ɓa ra togə́bè mba kar ndukun gə́ yeḛ un ar Aija, dəw gə́ Silo pa ar Jeroboam, ŋgolə Nebat lé aw ne lée’g béréré tɔ.

2 Mbaije 20:19

Ejekias tel ila Esai keneŋ pana: Ta lə Njesigənea̰ gə́ i pa lé maji ya. Tɔɓəi yeḛ dəji ta gə́ raŋg ɓəi pana: See meekulɔm gə kisi-maji d’a to ndɔ si kəmba’g ləm el wa.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Maktub gə́ wɔji dɔ Jɔb 1:11

Nɛ maji kari ula jii ndiŋ ɔrɔ ne rɔ né gə́ to kea̰ oo ndá ma m’gər gao to gə́ yeḛ a kila ndɔl dɔi’g kəmi’g nee ya.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Maktub gə́ wɔji dɔ Jɔb 9:12

Ɓó lé yeḛ wa né ndá see na̰ a kɔgee dɔ’g wa. Na ɓa a dəjee pana: See ɗi ɓa aw ra bèe ɓəi wa.

Pakɔsje 34:1

Pa lə Dabid loo gə́ yeḛ ra ne rəa gə́ m bə no̰ Abimelek’g aree tubá ne lé.

Pakɔsje 34:2

M’a kunda no̰ dɔkaisəgərə lə Njesigənea̰ ta-ta ləm, Ta pidee a koji na̰ tam’g dḛ̀gè-dḛ̀gè ləm tɔ.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Pakɔsje 49:17

Maji kari ɓəl mbata lə dəw gə́ nébaoje ləa D’ḭ dɔ maree’d gə́ kédé-kédé lé el ləm, Esé gə mbata nébaoje gə́ mee kəi’g ləa Gə́ d’ɔs goo na̰ goo na̰ el ləm tɔ,

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Njekillamber 5:14

To gə́ yeḛ unda ne loo mee kea̰je’g teḛ lé ndá Yeḛ a tel kaw naŋg kudee dum bèe ya tɔ. Kandə nékula ləa lé yeḛ askəm kun Kára kara jia’g kaw ne el.

Njekillamber 5:15

Yee neelé to némajel gə́ boo ya tɔɓəi. Yeḛ tel aw naŋg to gə́ yeḛ ree ne lé ya. Kula gə́ yeḛ ra ar lel ɓa sané ne bèe lé See ɗi ɓa yeḛ iŋga keneŋ wa.

Njekillamber 5:19

Yeḛ a kḛji ta dɔ ndɔje’d Gə́ yeḛ a gə si ne kəmba lé yaa̰ el ŋga Mbata Ala ɓa ula rɔlel mée’g ya.

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 42:24

See na̰ ɓa uba njé’g lə Jakob ya̰ dee Ar dee d’unda dee banrɔ ləm, Uba Israɛlje ya̰ dee Ji njéɓogoje’g wa. See to Njesigənea̰ Yeḛ gə́ jeḛ n’raje kaiya j’ɔseeje ne rəw lé el wa. Deḛ ndigi njaa goo torndiaje’g el ləm, Deḛ ndigi koo godndia el ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Nɔ̰-ndôo gə́ wɔji dɔ Jerusalem 3:38

See gə goo godndu Njekurdɔloo ɓa néurtije əsé némaji teḛ ne el wa.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Matiyo 20:15

See né gə́ m’wɔji məəm’g gə mba ra gə néje ləm lé see m’askəm ra el wa. See kəmi kas ŋgɔgərɔ dɔm’g mbata néram gə́ maji lé wa.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

Njé gə́ Epesə 5:20

Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

1 Njé gə́ Tesalonikə 5:18

raje oiyo dɔ néje’g lai mbata yee ɓa Ala wɔji kar sí-seḭ gə́ síje gin Kristi’g lé raje.

1 Timote 6:7

Mbata loo gə́ jeḛ n’ree naŋg neelé jeḛ n’ree gə né kára kara ji sí’g el ləm, loo gə́ j’a kya̰ naŋg nee tel ndá kara j’a tel gə né kára kara ji sí’g el ləm tɔ.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

Rudu 1:21

Loo gə́ m’ḭ ɓée nee gə mba kaw lé m’aw gə rɔlel ləm néje taa rɔm pəl-pəl ləm tɔ, nɛ Njesigənea̰ am tel gə jim kari ba jəb-jəb ya. See a ɓarmje Naomi mbata ɗi tɔɓəi wa. Mbata Njesigənea̰ tel giree ila am ləm, Bao-siŋgamoŋ tujim pugudu-pugudu ya ləm tɔ.

1 Samel 2:7

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.