Maktub gə́ wɔji dɔ Jɔb 1:20 - Maktub gə́ To gə Kəmee

²⁰ Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Maktub gə́ wɔji dɔ Jɔb 1:20 ပူးပေါင်းရင်းမြစ်များ

Gḭ-Néje 37:29

Rubḛ tel ree godə-bwa-mán’g ndá aa oo, Jisəb godo mee godə-bwa-mán’g lé. Yeḛ wa kubu ləa rəa’g hao̰ til,

Gḭ-Néje 37:34

Yeḛ wa kubu ləa rəa’g hao̰ til ndá yeḛ tɔ kubu-kwa-ndòo rḛgee’g tɔɓəi yeḛ wa ne ndòo ŋgonee kuree əw yaa̰.

2 Mbaije 2:12

Elije aa loo gərərə ndá ɓaree wəl pana: Bɔm loo! Bɔm loo! I lé gadi ur dɔ pusu-rɔ lə Israɛlje lai ləm, gə njérɔ gə kundaje lə dee ləm tɔ. Ndá yeḛ ée gogo el ŋga. Bèe ɓa yeḛ wa kubu ləa til dana loo joo

2 Sôrta Gḭka Israɛlje 7:3

Israɛlje lai d’aa loo d’oo pər gə rɔnduba lə Njesigənea̰ gə́ ree dɔ kəi’g neelé ndá léegəneeya d’unda barmba dəb kəm dee naŋg d’wa Njesigənea̰ meḛ dee’g pidee ne pana: Yeḛ lé maji dum ləm, meekɔrjol ləa to saar-saar gə no̰ ləm tɔ.

Esdras 9:3

Loo gə́ ma m’oo ta neelé ndá ma m’til kubuje ləm gə yee gə́ boi yul gə́ dɔ maree’g ləm, ma m’ndisa yiŋga dɔm gə mbaitam ləm tɔ ndá m’isi naŋg gə kəmndoo.

Maktub gə́ wɔji dɔ Jɔb 1:19

ndá aa oo lel-boo ḭ par gə́ kel dɔdilaloo’g biri dɔkum kəi gə́ sɔ lé aree təd unda dee mburug tɔl dee. Nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Maktub gə́ wɔji dɔ Jɔb 2:12

Loo gə́ deḛ nai əw ya ɓəi ndá d’un kəm dee d’ée ndá deḛ gəree el. Deḛ d’ɔr ndu dee gə́ tar wəl no̰ ne ləm, deḛ til kubuje lə dee gə́ boi yul-yul rɔ dee’g ləma, deḛ tuga kor d’ɔm dɔ dee’g ləm tɔ.

Teḛ-Raga 4:31

Togə́bè ɓa koso-dəwje lé d’ɔm ne meḛ dee dɔ’g. Deḛ d’oo gao to gə́ Njesigənea̰ ila kəmee dɔ Israɛlje’g ləm, yeḛ oo kəmtondoo lə dee ləm tɔ, ndá deḛ d’unda barmba dəb kəm dee naŋg tɔ.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Matiyo 26:39

Loo gə́ yee ɔd aw gə kuree rəgəsə ndá yeḛ oso naŋg bəbərə dəb kəmee naŋg ra ndòo ta Ala’g pana: Bɔm, ɓó lé to kəm ra ndá taa ŋgo-kai meeko̰ neelé jim’g rəw gə́ raŋg. Ɓó lé to gə́ ndigi el ndá kara ra né gə́ məəi-i nja wɔji ɓó to gə́ məəm-ma ɓa wɔji el.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.

Jujé 7:6

Juje wa kubu rəa’g hao̰ til ndá yeḛ rəm bəbərə oso dəb kəmee naŋg no̰ sa̰duk-manrɔ’g lə Njesigənea̰’g saar ar kàr andə, yeḛ ləm, gə ŋgatɔgje lə Israɛl ləm tɔ, tɔɓəi deḛ saa naŋg d’ɔm dɔ dee’g tɔ.

1 Piɛrə 5:6

Ulaje dɔ sí meḛ ji siŋgamoŋ’d lə Ala mba karee un sí ur sí tar mee ndəa’g neelé.