Maktub gə́ wɔji dɔ Jɔb 1:18 - Maktub gə́ To gə Kəmee

¹⁸ Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Ŋganije gə́ diŋgam gə njé gə́ dené d’isi d’usɔ né gə d’ai mán-nduú gə́ mḭ kəi lə ŋgara deeje

Maktub gə́ wɔji dɔ Jɔb 1:18 ပူးပေါင်းရင်းမြစ်များ

2 Samel 13:28

Absalɔm un ndia ar kuraje ləa pana: Ooje maji, loo gə́ kido tɔl Amno̰ ar rəa lelee aree aw al rəa mbata kido ɓa m’a kula si pana: Tɔlje Amno̰! Ndá tɔleeje ya ɓó ɓəlje el, see to ma ɓa gə́ njekun ndum kar sí el wa. Aarje njaŋg ɓó gə waje diŋgam meḛ sí’g to!

Maktub gə́ wɔji dɔ Jɔb 1:13

Ndɔ kára bèe loo gə́ ŋgalə Jɔb gə́ diŋgam gə njé gə́ dené d’aw d’usɔ né gə d’ai mán-nduú gə́ mḭ mee kəi’g lə ŋgoko̰ dee gə́ to ŋgara deeje

Maktub gə́ wɔji dɔ Jɔb 1:17

Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Kaldeje d’ɔm na̰’d kudu munda d’ur dɔ jambalje’g twa dee ləm, deḛ tɔl kuraje ləi gə kiambas ləm tɔ, nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Maktub gə́ wɔji dɔ Jɔb 1:19

ndá aa oo lel-boo ḭ par gə́ kel dɔdilaloo’g biri dɔkum kəi gə́ sɔ lé aree təd unda dee mburug tɔl dee. Nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Maktub gə́ wɔji dɔ Jɔb 1:4

Ŋganeeje gə́ diŋgam d’aw kəi lə na̰ gə goo na̰ goo na̰ d’o̰ muru-gad, tɔɓəi deḛ ɓar ŋgako̰ deeje gə́ dené gə́ munda lé d’ar dee d’usɔ gə d’ai sə dee na̰’d tɔ.

Maktub gə́ wɔji dɔ Jɔb 16:14

Yeḛ tɔsəm toroŋ-toroŋ mbudum ləm, Yeḛ teḛ dɔm’g wai to gə́ bao-rɔ bèe ləm tɔ.

Maktub gə́ wɔji dɔ Jɔb 23:2

Ɓogənè gɔl kára ya ɓəi no̰ ndòo ləm tɔ gə́ kɔs ta rəw ɓəi Nɛ némeeko̰ lé tur dɔ tuma̰ ŋgururu-ŋgururu ləm.

Maktub gə́ wɔji dɔ Jɔb 27:14

Ɓó lé ŋganeeje bula ndá d’a kwəi yoo-kiambas ləm, Muru a na ŋgakeaje tas ləm tɔ.

Maktub gə́ wɔji dɔ Jɔb 8:4

Ɓó lé ŋganije ra kaiya d’ɔs ne ta ləa rəw ndá Yeḛ a kar bo̰ néra dee ɔs ta dee’g ya.

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Njekillamber 9:2

Néje lai to no̰ dee’g ɓəi. Né gə́ teḛ dɔ njera nédana’g To kára ba asəna gə né gə́ teḛ dɔ njemeeyèr’g ləm, Dɔ dəw gə́ maji gə́ ra né gə́ àr ŋgad-ŋgad lé To kára ba asəna gə né gə́ teḛ dɔ dəw gə́ rəa mina̰’g ləm tɔ. Né gə́ teḛ dɔ dəw gə́ inja nékinjaməs’g To kára ba asəna gə né gə́ teḛ dɔ dəw gə́ inja nékinjaməs el ləm, Dəw gə́ maji lé né teḛ dəa’g To gə́ teḛ dɔ njekaiya’g bèe ləma, Yeḛ gə́ ubu rəa lé né teḛ dəa’g To gə́ teḛ dɔ yeḛ gə́ ɓəl kubu rəa lé ləm tɔ.

Esai 28:19

Loo gə́ rara gə́ yee a dəs ndá yee a kwa sí, mbata yee a dəs gə ndɔ, gə dan kàrá, gə loondul’g, gə ndɔje kára-kára lai ndá keaa gə́ a ɓar ta kára ba ya a kar dee d’unda ne bala tigi-tigi.

Jeremi 51:31

Njékaḭje d’aḭ ŋgwɔd tila kəm na̰ ləm, Njékaḭkulaje taa na̰ rəw yo gə́ nee ləm tɔ. Mba kula mbai gə́ Babilɔn To gə́ ɓee-boo ləa lé d’un lad-lad.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!