Maktub gə́ wɔji dɔ Jɔb 1:16 - Maktub gə́ To gə Kəmee

¹⁶ Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Pər lə Ala ḭ dara oso ɓugu dɔ badə-kosoje’g roo dee gə kuraje ləi na̰’d dula-dula, nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Maktub gə́ wɔji dɔ Jɔb 1:16 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

1 Mbaije 18:38

Yen ŋga pər lə Njesigənea̰ oso bib ndá roo nékinjaməs lé dula-dula ləm, o̰ kir ləm, gə kɔr mbalje gə naŋg ləma, gə njibi mán gə́ mee bwa’g lé kara nja̰-nja̰ ləm tɔ.

2 Mbaije 1:10

Eli tel ila ɓé-njérɔje gə́ rɔ-mi’g lé pana: Ɓó lé ma m’to dəw lə Ala ya ndá maji kar pər ḭ dara ree rooi gə njérɔje ləi gə́ rɔ-mi lé na̰’d ya. Léegəneeya pər ḭ dara ree rée gə njérɔje ləa gə́ rɔ-mi lé ya tɔ.

2 Mbaije 1:12

Eli tel ilá keneŋ pana: Ɓó lé ma m’to dəw lə Ala ya ndá maji kar pər ḭ dara rooi gə njérɔje ləi gə́ rɔ-mi lé na̰’d ya. Léegəneeya pər lə Ala ḭ dara ree rée gə njérɔje ləa gə́ rɔ-mi lé na̰’d ya tɔ.

2 Mbaije 1:14

Aa oo, pər ḭ dara roo ɓé-njérɔje gə́ kudu joo gə njérɔje lə deḛ gə́ rɔ-mi rɔ-mi lé mba̰, nɛ ɓasinè, maji kar si kəmba ləm tɔ né gə́ əḭ kəmi’g ya kari.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Teḛ-Raga 9:28

Raje tamaji ta Njesigənea̰’g mba kar ndi gə́ ndaŋg gə ndi kwɔji lé gaŋg ndá m’a kya̰ loo kar sí awje ya ɓó dəw a kɔg sí naŋg el ŋga.

Ləbije 10:2

Togə́bè ɓa pər ḭ no̰ Njesigənea̰’g roo dee ar dee d’wəi ne no̰ Njesigənea̰’g tɔ.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Amɔs 7:4

Némḭdi gə́ raŋg gə́ Mbaidɔmbaije gə́ Njesigənea̰ tɔjim am m’oo ɓa nee. Aa ooje, Mbaidɔmbaije gə́ Njesigənea̰ ila mber ta lə pər gə́ a kar bo̰ néra dee ɔs ta dee’g lé. Pər neelé roo bwa-wəl mán ləm, gə dɔ naŋg ləm tɔ.

Loo gə́ killa rea kəm Ja̰’g 13:13

Yeḛ ra boo-nékɔbje saar ar pər ḭ dara ree sur-sur dɔ naŋg nee kəm dəwje’g.

1 Samel 14:15

Ɓəl-boo taa loo-si dee pəl-pəl ləm, mee looje’g lai ləma, mbuna koso-dəwje’g ləm tɔ. Deḛ gə́ d’isi loo-si dee’g gə deḛ gə́ to njékaw waije lé kara ɓəl unda dee badə gaŋg dee keneŋ tɔ. Dɔ naŋg yə ɓugu-ɓugu, yee ɓa to gə́ ɓəl-boo lə Ala ya.