Maktub gə́ wɔji dɔ Jɔb 1:1 - Maktub gə́ To gə Kəmee

¹ Dəw kára ria lə Jɔb si mee ɓee gə́ Uts. Dəw neelé to njera né gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, yeḛ unda ria ɓad dɔ néra gə́ majel’g ləm tɔ.

Maktub gə́ wɔji dɔ Jɔb 1:1 ပူးပေါင်းရင်းမြစ်များ

Gḭ-Néje 10:23

Ri ŋgalə Aram ɓa nee: Uts, gə Hul, gə Géter, gə Mas.

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 22:12

Kura gə́ dara lé pana: Un jii ɔrɔ ne rɔ ŋgon neelé el ləm, ra səa né el ləm tɔ. Mbata ɓasinè lé ma m’gər gao to gə́ i ɓəl Ala ya. Ŋgoni gə́ to ŋgon gə́ kára ba kiao lé i ɔgm el.

Gḭ-Néje 36:28

Aa ooje, ri ŋgalə Disan ɓa to nee: Uts, gə Aran.

Gḭ-Néje 42:18

Ndɔ gə́ njekɔm’g munda lé ndá Jisəb ula dee pana: Gə́ raje né neelé ndá seḭ a síje ne kəmba. Mbata ma lé m’ɓəl Ala.

Gḭ-Néje 6:9

Aa ooje, ŋgaka Noe ɓa to nee. Noe lé to nje néra gə́ danasur ləm, gə njegelgodo ləm tɔ mee ndɔje gə́ yeḛ si ne kəmba lé ya, Noe lé aa dɔ ta lə Ala kər-kər tɔ.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

1 Sôrta Gḭka-Israɛlje 1:17

Ŋgalə Sem ɓa ri dee to nee: Elam, gə Asur, gə Arpaksad, gə Lud, gə Aram, Uts, gə Hul, gə Géter, gə Mesek.

1 Sôrta Gḭka-Israɛlje 1:42

Ŋgalə Eser ɓa ri dee to nee: Bilan, gə Jaban, gə Jaakan. Ŋgalə Disan ɓa ri dee to nee: Uts gə Aran.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Maktub gə́ wɔji dɔ Jɔb 4:6

See ɓəl Ala ləi lé ɓa Ari ɔm ne məəi dɔ Ala’g lé ləm, unda ne məəi yel dəa’g ləm el wa. See gelgodo ləi lé ɓa ari tɔs ne kəmi bao-bao dɔ rəw kabije’g el wa.

Maktub gə́ wɔji dɔ Jɔb 9:21

See ta wa dɔm el wa. Ta wa dɔm el ya. Ma m’ə̰ji si kəmba ləm bəḭ-bəḭ.

Teḛ-Raga 18:21

Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ.

Gosota-Kəmkàrje 14:16

Njekəmkàr ɓəl némajel ndá unda rəa ɓad dɔ’g, Nɛ mbə-dəw lé ti rəa ndá oo to gə́ si gə́ majee.

Gosota-Kəmkàrje 14:2

Dəw gə́ njaa rəw gə́ danasur lé Ɓəl Njesigənea̰, Nɛ yeḛ gə́ un rəw gə́ nduni koŋ-koŋ lé Ee gə́ né el.

Gosota-Kəmkàrje 16:17

Rəw-kaw dəwje gə́ danasur lé To kya̰ goo majel, Yeḛ gə́ tɔs kəmee bao-bao dɔ rəa’g lé Aa ne dɔ rəw-kabee kər-kər.

Gosota-Kəmkàrje 16:6

Mbɔl dɔ meemaji gə ŋgonkoji ɓa D’ɔr ne ta néra gə́ majel dɔ dəw’g ləm, Mbɔl dɔ ɓəl gə́ dəw ɓəl Njesigənea̰ lé ɓa Yeḛ ya̰ ne goo majel ləm tɔ.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Nɔ̰-ndôo gə́ wɔji dɔ Jerusalem 4:21

Maji kari al rɔi gə meendakaḭ I ŋgoma̰də gə́ Edɔm gə́ si mee ɓee gə́ Uts lé Mbata bai-oŋg neelé a teḛ rɔi’g ya, I a kai karee tɔli ndá i a kaw kudi dum tɔ.

Ejekel 14:14

ɓa dəwje gə́ munda nee: Noe, gə Daniel, gə Jɔb d’isi mbuna dee’g kara, deḛ neelé meekarabasur lə dee ɓa d’a kaji ne rɔ dee, Mbaidɔmbaije gə́ Njesigənea̰ ɓa pa bèe.

Ejekel 14:20

ɓa Noe, gə Daniel, gə Jɔb d’isi keneŋ kara neḛ Mbaidɔmbaije gə́ Njesigənea̰ gə́ njesikəmba m’pa njaŋg m’pana: Deḛ d’a kaji ŋgan deeje gə́ diŋgam əsé njé gə́ dené el nɛ meekarabasur lə dee ɓa d’a kaji ne ya.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Tel tura Godndu 18:13

Seḭ a toje njémaji kɔr njoro̰gje to gə́ Ala lə sí gə́ Njesigənea̰ bèe.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.