Jeremi 6:29 - Maktub gə́ To gə Kəmee

²⁹ Lel ndubu ar pər taa Ndá rɔm léḛ pe’d, Ndiri gə́ ndiri mba kar siḭyee teḛ lé Deḛ d’oo ne ndòo pi Siḭ lar teḛ mée’g el.

Jeremi 6:29 ပူးပေါင်းရင်းမြစ်များ

Gosota-Kəmkàrje 17:3

Bai-kɔr wɔji dɔ larnda ləm, Bwa-bṵda wɔji dɔ larlɔr ləm tɔ, Nɛ yeḛ gə́ njenaa mee dəwje lé To Njesigənea̰ ɓa.

Esai 49:4

Ndá ma m’pana: Ma lé m’ra kula kari ba ləm, M’sané siŋgam pi Asəna gə dəw gə́ aiŋgwɔd goo lel’g bèe ləm tɔ. Tɔgərɔ ya, né gə́ wɔji dɔm lé To rɔ Njesigənea̰’g ləm, Nékoga-dɔ-jim kara To rɔ Ala’g lé ləm ləm tɔ.

Jeremi 15:19

Gelee gə́ nee ɓa Njesigənea̰ pa ne togə́bè pana: Ɓó lé ma m’naam kaar neḛ’g ndá N’a kilam keneŋ, Tɔɓəi m’a kaar no̰ neḛ’g, Ɓó lé m’ɔr kəm néje gə́ to ŋgonkəm Mbuna néje gə́ mina̰’g ndá M’a to asəna gə ta neḛ tɔ. To ta lə dee-deḛ gə mba tel ree rɔm’g Ɓó to ta ləm-ma ɓa Gə mba tel kaw rɔ dee’g el.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Ejekel 24:12

Kula rɔ ndubu gə́ togə́bè lé To né gə́ kari ba. Mée gə́ wɔməs lé a kɔr el, Pər ya ɓa a kɔree.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 4:12

Seḭ gə́ m’unda sí dan kəm’g lé némeeko̰ gə́ to asəna gə pər gə́ o̰ bilim-bilim gə́ a gə naa sí lé maji kar sí éeje asəna gə nékɔb gə́ a teḛ dɔ sí’g wai el.

Njéga̰g-Rəwtaje 17:4

Yeḛ tel gə larnda lé ar kea̰je. Kea̰je taa larnda gə́ tɔl-joo (200) lé aw ar njelḛ̀ né aree ra ne néndaji gə́ tɔl gə́ tɔl ləm, gə néndaji gə́ léḛ gə́ léḛ ləm tɔ. Deḛ d’unda dee mee kəi’g lə Mika.