Jeremi 52:9 - Maktub gə́ To gə Kəmee

⁹ Deḛ d’wa mbai d’aw səa rɔ mbai gə́ Babilɔn’g mee ɓee-boo gə́ Ribla dɔ naŋg gə́ Amat ndá yeḛ gaŋgta dəa’g.

Jeremi 52:9 ပူးပေါင်းရင်းမြစ်များ

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

2 Mbaije 25:6

Deḛ d’wa mbai d’aw səa rɔ mbai gə́ Babilɔn lé loo gə́ Ribla, ndá deḛ gaŋgta dəa’g keneŋ.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

2 Sôrta Gḭka Israɛlje 8:3

Salomo̰ ɔr rɔ aw rɔ gə njé gə́ Amat mbɔr loo gə́ Soba dum dɔ dee.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 39:5

Nɛ njérɔje lə Kaldeje korə dee d’aw d’wa Sedesias ndag-loo gə́ Jeriko. Deḛ d’wá d’aw səa rɔ Nebukadnesar, mbai gə́ Babilɔn’g mee ɓee gə́ Ribla dɔ naŋg ɓee gə́ Amat. Lée neelé deḛ gaŋgta dəa’g keneŋ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Ejekel 11:10

Seḭ a kwəije yoo-kiambas ləm, n’a gaŋgta dɔ sí’g rəw-nim-ɓee gə́ Israɛl ləm tɔ ndá seḭ a gərje to gə́ neḛ n’to Njesigənea̰ ya.

Ejekel 23:24

Deḛ d’a kɔr rɔ kaw rɔ səi gə nérɔje, gə pusu-rɔje, gə ŋgan pusuje ləm, gə koso-dəwje ləm tɔ, d’a kḭ gə looje ɓəd-ɓəd gə dərje gə́ boi-boi ləm, gə ŋgan dərje ləma, gə dɔgugu-rɔje ləm tɔ gə mba ree rɔ ne səi. N’a kɔm rəwta-gaŋg ji dee’g kar dee gaŋg rəwta dɔi’g gə goo godnduje lə dee.

Bula lə Israɛlje 13:21

Togə́bè ɓa deḛ d’ḭ d’aw ndá deḛ tən loo mee ɓee’g lé un kudee dɔdilaloo gə́ Sin saar teḛ ne ɓee gə́ Reob gə́ to rəw gə́ aw gə́ Amat lé tɔ.

Bula lə Israɛlje 34:11

yee a kḭ Sepam rəm par gə́ Ribla gə́ to par gə́ bər loo gə́ Aḭ, rəw-nimee a rəm saar kun dɔ koŋgo baa-boo gə́ Kineret par gə́ bər,

Jujé 13:5

ɓee lə Giblije ləm, gə ɓee gə́ Liba̰ bura, par gə́ loo kuba’g lə kàr, un kudee Baal-Gad gə́ to mbɔr mbal gə́ Hermo̰ saar teḛ ne tarəw ɓee gə́ Amat ləm tɔ,