Jeremi 52:7 - Maktub gə́ To gə Kəmee

⁷ Yen ŋga njérɔje gə́ Babilɔn tɔs ndògo-bɔrɔ lə ɓee-boo mbudu. Ndá njérɔje lai d’unda loo mee ɓee-boo’g loondul’g teḛ d’aḭ gə tarəw gə́ to mbuna ndògo-bɔrɔje gə́ joo mbɔr loo-ndɔ’g lə mbai, loo gə́ Kaldeje d’aḭ dɔ ɓee-boo sub gə rɔ lé. Njékaḭje d’aḭ gə rəw gə́ aw ndag-loo’g.

Jeremi 52:7 ပူးပေါင်းရင်းမြစ်များ

2 Mbaije 25:4

Bèe ɓa deḛ mbudu kəm ndògo-bɔrɔ gə́ gugu dɔ ɓee-boo lé ndá mbai gə njérɔje d’ḭ til’g teḛ gə rəw gə́ aw teḛ tarəw ɓee gə́ to mbuna ndògo-bɔrɔje gə́ joo gə́ to mbɔr loo-kamnaḭ’g lə mbai lé, loo gə́ Kaldeje d’aḭ dɔ ɓee-boo sub lé. Njékaḭje neelé d’aḭ gə rəw gə́ ndag-mbo’g.

Jeremi 34:22

Aa ooje, m’a kun ndum kar dee tel ree mee ɓee-boo’g neelé, deḛ d’a rɔ gə ɓee-booje neelé ləm, d’a taa ləma, d’a roo pər ləm tɔ. Tɔɓəi m’a kar ɓee-booje gə́ Juda tel to gə́ dɔdilaloo gə́ dəw godo keneŋ ya.

Jeremi 39:2

Ndɔ jinaikara mee naḭ gə́ njekɔm’g sɔ mee ləb ko̰ɓee’g lə Sedesias gə́ njekɔm’g dɔg-giree-kára lé ndá deḛ mbudu kəm ndògo-bɔrɔ gə́ mee ɓee-boo’g.

Jeremi 49:26

Gelee gə́ nee ɓa basaje ləa d’a kwəi mba̰-rəwje’g ləm, njérɔje ləa lai d’a kwəi mee ndəa’g nee ləm tɔ. Njesigənea̰ gə́ njeboo-néje ɓa pa bèe.

Jeremi 51:32

To gə́ taa kila-rəwje pəl-pəl. Pər roo dɔ dṵga loo-ndɔje rug-rug Ar dəwje gə́ njérɔje lé ɓəl unda dee badə gaŋg dee.

Jeremi 6:5

Ar sí j’ḭje loondul’g j’awje! J’aw n’tujije kəi-mbaije ləa.

Ejekel 12:12

Mbai gə́ njekaa dɔ dəb ɓeeko̰ gə́ si dan dee’g lé a kila nékodo ləa dɔ bagee’g gə loo gə́ to piro-piro ndá a kaw, d’a kɔs kəm ndògo-bɔrɔ mbudu mba karee teḛ raga aw, yeḛ a ko̰ kəmee gə né mba kar kəmee oo naŋg el.

Ejekel 12:4

Maji kam m’teḛ gə néje ləm gə́ to nékawmbáje gə́ raga kəm dee’g dan kàrá ndá m’aw kəm dee’g ya kàrkemetag, m’aw to gə́ njékuba ɓee kya̰je bèe.

Ejekel 33:21

Ləb gə́ njekɔm’g dɔg-giree-joo goo kwa gə́ d’wa sí d’aw sə sí ɓee-ɓər’g lé loo gə́ naḭ gə́ njekɔm’g dɔg ra ndɔ mi ndá dəw kára gə́ ḭ Jerusalem aḭ lé ree iŋgam ulam pana: Deḛ dum dɔ ɓee-boo lé mba̰!

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Amɔs 4:3

Nana kara a teḛ gə́ kəm ndògo-bɔrɔ gə́ ta̰ lé kəmee gə́ kédé ya, Ndá d’a kɔm sí mee kəi-kaar-kɔgərɔje’g. Njesigənea̰ ɓa pa bèe.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.