Jeremi 52:31 - Maktub gə́ To gə Kəmee

³¹ Ləb gə́ njekɔm’g rɔ-munda-giree-siri gə́ Jojakḭ, mbai gə́ Juda si ne ɓee-ɓər’g lé naḭ gə́ njekɔm’g dɔg-giree-joo, ra ndɔ rɔ-joo-giree-mi ndá Ebil-Merodak, mbai gə́ Babilɔn ra meemaji gə Jojakḭ, mbai gə́ Juda ɔree kəi-daŋgai’g mee ləb ko̰ɓee’g ləa gə́ dɔtar ilá tar.

Jeremi 52:31 ပူးပေါင်းရင်းမြစ်များ

Gḭ-Néje 40:13

Nai ndɔ munda ndá Parao̰ a kari ɔr dɔi gə́ tar ləm, a kari kula ləi gogo ləm tɔ. Bèe ɓa i a kunda ŋgo-kai-né lə Parao̰ jia’g to gə́ i ra ne ta-ta loo gə́ i to ne njekaree nékai ləa kédé lé.

Gḭ-Néje 40:20

Ndɔ gə́ njekɔm’g munda gə́ gogo lé to naḭ gə́ wɔji dɔ ndɔ koji Parao̰ ndá yeḛ ra muru gad ar kuraje ləa lai. Ndá yeḛ unda dɔ njekaree nékai gə njera muru gə́ tar mbuna kuraje’g ləa.

Maktub gə́ wɔji dɔ Jɔb 22:29

Ɓó lé d’ari ula dɔi ndá I a dəjee gə mba kɔr dɔi gə́ tar, Mbata Ala la gə dəw gə́ ula dəa.

Pakɔsje 27:6

Ɓasinè m’unda dɔm tar no̰ njéba̰je’g ləm gə́ d’aḭ dɔm sub, M’a kinja nékinjanéməsje mee kəi-kubu’g ləa Loo gə́ ndu to̰to̰ aw ɓar ləm, M’a kɔs pa kila ne riɓar dɔ Njesigənea̰’g ləm tɔ.

Pakɔsje 3:3

See dəwje ka̰da ɓa pata d’wɔji ne dɔm pana: M’a kiŋga kaji rɔ Ala’g lé pai godo, ɓa pa bèe wa.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Jeremi 37:1

Sedesias, ŋgolə Jojias o̰ ɓee tor Jekonia, ŋgolə Jojakim’g. Nebu kadnesar, mbai gə́ babylɔnə ɓa undá gə́ mbai gə́ Juda lé.