Jeremi 52:24 - Maktub gə́ To gə Kəmee

²⁴ Mbai dɔ njéŋgəmlooje wa Seraja, ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə njéŋgəm-tarəwkəije munda ləm tɔ.

Jeremi 52:24 ပူးပေါင်းရင်းမြစ်များ

2 Mbaije 23:4

Mbai un ndia ar Hilkija, ŋgɔ-njekinjanéməs ləm, gə njékinjanéməsje gə́ njéla səaje ləma, gə njéŋgəm takəije ləm tɔ gə mba kar dee teḛ gə néje gə́ to mee kəi’g lə Njesigənea̰ gə́ deḛ ra mbata lə magə-Baal ləm, gə mbata lə magə-Astarté ləma, gə mbata lə boo-néje lai gə́ dara ləm tɔ ndá yeḛ aw roo dee gir ɓee gə́ Jerusalem mee wəl-loo gə́ Sedro̰ tɔɓəi yeḛ ar dee d’odo bu dee d’aw ne d’aw d’ɔm Betel tɔ.

2 Mbaije 25:18

Ɓé-njéŋgəmlooje wa Seraja gə́ to ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə dəwje munda gə́ to njéŋgəm tarəwkəije ləm tɔ.

1 Sôrta Gḭka-Israɛlje 6:14

Ŋgaka Merari ɓa ri dee to nee: Merari oji Mali, Mali oji Libni, Libni oji Simei, Simei oji Uja,

Esdras 7:1

Gée gə́ gogo mee ləb ko̰ɓee’g lə Artajerjɛs, mbai gə́ Persə lé ndá Esdras ree Jerusalem, yeḛ lé to ŋgolə Seraja gə́ to ŋgolə Ajaria, gə́ to ŋgolə Hilkija,

Pakɔsje 84:10

Ǝi Ala, i gə́ to dər-rɔ lə sí lé maji kari oo ya, Maji kar kəmi to jḛ̀ dɔ yeḛ gə́ i wa dəa gə́ ubu lé ya.

Jeremi 20:4

Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 21:1

Ta gə́ Njesigənea̰ ula Jeremi, loo gə́ mbai Sedesias ula Pasur, ŋgolə Malkija, gə Soponi ŋgolə Maaséja, njekinjanéməs lé rəa’g mba kar dee d’ulá pana:

Jeremi 29:25

Njesigənea̰ gə́ njeboo-néje gə́ to Ala lə Israɛlje lé pa togə́bè pana: I ra maktub togə́bè gə rii ula ne ar koso-dəwje gə́ Jerusalem ləm, gə Soponi, ŋgolə Maaséja, njekinjanéməs ləma, gə njékinjanéməsje lai ləm tɔ pana:

Jeremi 29:29

Soponi, njekinjanéməs tura maktub neelé no̰ Jeremi, njetegginta’g lé.

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Jeremi 35:4

ndá m’ɔr no̰ dee m’aw sə dee kəi lə Njesigənea̰, mee ŋgon kəi gə́ to ka̰ ŋgalə Hanan, ŋgolə Jigdalia gə́ to dəw lə Ala, ŋgon kəi neelé to mbɔr ka̰ mbaije’g dɔ ŋgon kəi gə́ tar gə́ to ka̰ Maaséja, ŋgolə Salum, njeŋgəm tarəwkɔg lé.

Jeremi 37:3

Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.

Jeremi 52:12

Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem.

Jeremi 52:15

Kudu dəwje gə́ to njéndooje d’unda mar deeje mbuna koso-dəwje’g ləm, ges koso-dəwje gə́ d’isi mee ɓee-boo’g lé ləm, deḛ gə́ d’ya̰ rɔ dee d’ar mbai gə́ Babilɔn ləma, ges njégər goso kulaje gə́ nai ləm tɔ lé Nebujaradan, mbai dɔ njéŋgəmlooje wa dee aw sə dee ɓee-ɓər’g.

Nɔ̰-ndôo gə́ wɔji dɔ Jerusalem 4:16

Njesigənea̰ nja ɓa sané dee kad-kad Yeḛ un kəmee dɔ dee’g rəw ləm tɔ. Dəw ila riɓar dɔ njékinjanéməsje’g el ləm, D’oo kəmtondoo lə ŋgatɔgje el ləm tɔ.

Ejekel 11:7

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Nin dəwje lə sí gə́ seḭ naji deeje mee ɓee-boo’g mbələŋ-mbələŋ lé deḛ ɓa to kɔr daje tɔɓəi ɓee-boo ndá to ŋgoro-pər tɔ, nɛ seḭ ndá n’a tuba sí kar sí teḛje raga.

Ejekel 24:5

Mbər ŋgon nékul gə́ maji wa, Tɔɓəi tɔs kag gel jo’g, Aree ndiri ɓugu-ɓugu Ar siŋgaje gə́ mee jo’g lé kara iri yɔm-yɔm.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.