Jeremi 51:64 - Maktub gə́ To gə Kəmee

⁶⁴ ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Jeremi 51:64 ပူးပေါင်းရင်းမြစ်များ

Maktub gə́ wɔji dɔ Jɔb 31:40

Maji kar kunje ɓa uba taa tor wa lé ləm Maji kar haowa ɓa taa tor kó-ɔrj lé ləm tɔ. Rudu ta lə Jɔb ŋga.

Pakɔsje 72:20

Yee neelé to rudu ndukwɔi lə Dabid gə́ to ŋgolə Isai lé ya.

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Esai 47:13

Seḭ gəŋgje ta njégosoje’g, Daoje ne dao-dao, Maji kar dee d’ḭtar ɓó gə́ d’aji sí, Deḛ gə́ gər néje gə́ dara ləm, Deḛ gə́ njétən-kéréméje ləma, Deḛ gə́ njépa ta néje gə́ d’a gə ree ləm tɔ!

Jeremi 13:4

Un ndar gə́ ndogo tɔ ne ɓəri lé ndá aw par gə́ baa gə́ Epratə, tɔɓəi lé neelé m’iya ndar lé kəm mbal gə́ ta̰’g.

Jeremi 19:10

Gée gə́ gogo ndá m’a tɔ jo lé kəm dəwje’g lai gə́ d’aw səm na̰’d lé.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 51:42

Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Ejekel 28:19

Dəwje lai gə́ gəri mbuna koso-dəwje’g lé d’wa dɔ dee jiim mbata ləi ləm, i tel to néɓəl ləma, gə né gə́ tuji gə no̰ ləm tɔ.

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.