Jeremi 51:62 - Maktub gə́ To gə Kəmee

⁶² i a pana: I Njesigənea̰ nja ɓa pa njaŋg pana: Lée neelé a tuji pugudu ləm, dəwje əsé daje d’a si keneŋ gogo el ŋga ləma, nɛ yee a tel to dɔdilaloo saar gə no̰ ləm tɔ.

Jeremi 51:62 ပူးပေါင်းရင်းမြစ်များ

Jeremi 25:12

Nɛ loo gə́ rudu ləbje gə́ rɔ-siri lé a kun ɗiao mba̰ ndá n’a kar mbo̰ néra mbai gə́ Babilɔn gə ginkoji dəwje neelé ɔs ta dee’g gə mbata néra deeje gə́ yèr. Tɔɓəi n’a kar bo̰ néra Kaldeje ɔs ta dee’g ndá n’a kar ɓee lə dee tel to dɔ nduba saar gə no̰. Njesigənea̰ ɓa pa bèe.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 33:12

Njesigənea̰ gə́ njeboo-néje lé pa togə́bè pana: Lée neelé gə́ to dɔdilaloo gə́ dəwje əsé daje godo keneŋ ləm, gə mee ɓee-booje ləa lai ləm tɔ lé loo-si njékulbadje a to keneŋ gə mba kar dee d’ar koso-nékulje lə dee d’wa rɔ dee keneŋ.

Jeremi 50:12

Ko̰ síje si dan boo-rɔkul’g, Yeḛ gə́ njekoji sí lé rɔkul wa kəmee, Aa ooje, yeḛ to rudu ginkoji dəwje ŋga. Yeḛ to dɔdilaloo ləm, Yeḛ to naŋg gə́ tudu kurum-kurum ləm, Yeḛ to ndag-loo ləm tɔ.

Jeremi 50:13

Dəw kára kara a si keneŋ el Mbata oŋg lə Njesigənea̰, Yee a to dɔ nduba. Nana kara gə́ a dəs mbɔr Babilɔn’g Ndá kaaree a kwá paḭ karee ra wah! Dɔ nékəmndooje’g lai gə́ teḛ dəa’g lé.

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 51:37

Babilɔn a to kugu néje gə́ tuji ləm, Gə loo-to tàlje ləm tɔ. Yee a to nékwa dɔ jiim ləm, Gə nékula sul dɔ’g ləm tɔ, Dəw kára kara a si keneŋ el ŋga.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.

Jeremi 51:61

Jeremi ula Seraja pana: Loo gə́ i a teḛ Babilɔn ndá taje lai neelé i a tɔs kəmi dɔ’g bao-bao mba tura ndá

Ejekel 35:9

N’a kari to dɔ nduba gə́ wa ŋgɔ njag-njag gə no̰ ləm, dəwje d’a si ɓee-booje’g ləi el ŋga ləm tɔ, bèe ɓa seḭ a gərje ne to gə́ neḛ n’to Njesigənea̰ ya.