Jeremi 51:55 - Maktub gə́ To gə Kəmee

⁵⁵ Mbata Njesigənea̰ tuji Babilɔn pugudu, Yeḛ ar dee d’əw kur kii pénéné keneŋ, Kaa njétujilooje ɓar to gə́ kaa paŋgəm mán baa-booje Gə́ tuga poŋgm-poŋgm bèe.

Jeremi 51:55 ပူးပေါင်းရင်းမြစ်များ

Pakɔsje 124:2

Ɓó lé Njesigənea̰ aḭ bada dɔ sí’g Loo gə́ dəwje gə́ d’ḭ d’ɔm na̰ dɔ sí’g lé el ndá

Pakɔsje 124:4

Yee ɓa manje d’ḭ tula dɔ sí rəd mba̰ ləm, Kəm-rəw-manje lé kara tur dɔ sí mba̰ ya ləma

Pakɔsje 18:4

Ma m’no̰ wəl m’pana: Maji kar dɔ ri Njesigənea̰ ai səgərə Ndá yeḛ ɔrm ji njéba̰je’g ləm.

Pakɔsje 65:7

Siŋgamoŋ ləa ɓa ar mbalje lé ndər ne dɔ na̰’g tim-tim ləm, Siŋgamoŋ lé ɓa yeḛ tɔ rḛgee’g ləm tɔ.

Pakɔsje 69:2

Ǝi Ala, ajim ya kari Mbata manje lé d’a gə tula dɔm.

Esai 15:1

Ndərta gə́ pa wɔji dɔ Moabje. Mee til gə́ kára gə́ ɓee-boo gə́ Ar-Moab tuji pugudu-pugudu lé Yee sané pá ləm, Mee til gə́ kára lé ɓee-boo gə́ Kir-Moab tuji pugudu-pugudu lé Yee sané pá ləm tɔ.

Esai 17:13

Ndu ginkoji dəwje gə raŋg ɓar Asəna gə kaa manje gə́ ula u-u-u bèe. Njesigənea̰ ndaŋg dee sané dee Ndá d’aḭ d’aw əw Asəna gə ləm mu gə́ to dɔ mbalje’g Gə́ lel odo aw ne ləm, Asəna gə pudu kunje Gə́ lel-mal ɓir dee bèe ləm tɔ.

Esai 47:5

Seḭ Kaldeje gə́ toje asəna gə ŋgon gə́ dené bèe lé Sije naŋg gə ta sí mundu ləm, Awje dan loondul’g ləm tɔ, D’a ɓar sí mbai dɔ ɓeeko̰je el ŋga.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 51:42

Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Ejekel 26:3

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Loo gə́ killa rea kəm Ja̰’g 17:15

Yeḛ ulam pana: Man baa-boo gə́ kaiya-dené si dɔ’g gə́ i oo lé yee nja to koso-dəwje ləm, gə ginka dəwje-dəwje ləma, gə dəwje gə́ tapa dee gə ria-ria ləm tɔ.