Jeremi 51:35 - Maktub gə́ To gə Kəmee

³⁵ Deḛ gə́ d’isi Sio̰ pa togə́bè pana: Maji kar néra kərm-kərm Gə́ deḛ ra sə sí ləm, Gə darɔ sí gə́ ti mbidi-mbidi ləm tɔ lé Tel ra gə njé gə́ Babilɔn bèe ya tɔ. Njé gə́ Jerusalem pa togə́bè to pana: Maji kar məs síjeḛ ɔm dɔ dəwje Gə́ d’isi Kalde tɔ.

Jeremi 51:35 ပူးပေါင်းရင်းမြစ်များ

Gḭ-Néje 16:5

Sarai ula Abram pana: Néra majel ləm gə́ m’ra lé maji karee oso dɔi’g ya. Mbata ma m’ila ɓər ləm gə́ dené lé kaari’g. Loo gə́ yeḛ oo rəa to gə́ aw gə kèm ndá yeḛ oom-ma lé gə́ dəw gə́ əḭ kəmee’g el. Maji kar Njesigənea̰ gaŋgta mbuna sí jeḛ səi’g ya.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 9:12

Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Jeremi 50:10

Ɓee gə́ Kalde lé d’a kundá banrɔ, Deḛ lai gə́ d’a kodo néje gə́ keneŋ lé A kas dee nag-nag. Njesigənea̰ ɓa pa bèe.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 1:22

Maji kar némeeyèrje lə deḛ lai To raga ndəgəsə nɔḭ’g, Ndá maji kari ra sə dee To gə́ i ra ne səm bèe Mbata kaltaje ləm lai lé! Mbata ndu tuma̰je ləm bula yaa̰ ləm, Ɓə̰gərəm kara ndiri njigi-njigi ləm tɔ.

Habakuk 2:17

Mbata néraje gə́ kərm-kərm gə́ seḭ raje mee ɓee gə́ Liba̰ lé D’a tel koso dɔ sí’g ləm, Tuji gə́ seḭ tujije dakulje lé Dakulje kara d’a kɔm ɓəl dɔ sí’g ləm tɔ. Mbata seḭ ɔmje məs dəwje naŋg ləm, Seḭ raje né gə́ kərm-kərm mee ɓee’g Oma̰je ne gə ɓee-boo gə dəwje lai gə́ d’isi keneŋ ləm tɔ.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.

Njéga̰g-Rəwtaje 9:20

Ɓó lé bèe el ndá maji kar pər ḭ rɔ Abimelek’g roo dəwje gə́ Sikem gə njémeekəije lə Milo ləm, maji kar pər ḭ rɔ dəwje’d gə́ Sikem gə njémeekəije lə Milo gə́ mba roo Abimelek ləm tɔ.

Njéga̰g-Rəwtaje 9:24

gə mba kar bo̰ néra gə́ kərm-kərm gə́ yeḛ ra gə ŋgalə Jerubaal gə́ rɔ-siri lé tel ɔs təa’g ləm, gə mba kar ta məs dee tel oso dɔ Abimelek’d gə́ to ŋgoko̰ dee gə́ tɔl dee lé ləma, gə oso dɔ dəwje’d gə́ Sikem gə́ la səa d’aree tɔl ŋgakea̰je lé ləm tɔ.