Jeremi 51:33 - Maktub gə́ To gə Kəmee

³³ Mbata Njesigənea̰ gə́ njeboo-néje, Ala lə Israɛlje pa togə́bè pana: Babilɔn gə́ to asəna gə ŋgoma̰də lé To asəna gə loo-kunda-kó Gə́ d’aw tuba mba karee asəna rai-rai bèe: Nai lam ba bèe ndá kàr kinja kó a teḛ dəa’g.

Jeremi 51:33 ပူးပေါင်းရင်းမြစ်များ

Esai 18:5

Kédé ɓa mba kinja kandə né ɓəi lé, Loo gə́ kwa-rɔm ləa as lé ləm, Loo gə́ pudu tel to ka̰dee gə́ ər kəm ləm tɔ Ndá yeḛ tḭja barkəmeeje gə kia tḭja barkəm nduú ləm, Yeḛ tuga barkəmeeje gə́ majel gə́ to rɔ kag-nduú’g ləm tɔ.

Esai 21:10

Ǝi dəwje ləm gə́ deḛ tal sí naŋg To gə́ tal ne kandə kó loo-kunda-kó’g bèe lé Ta gə́ ma m’oo ta Njesigənea̰ gə́ njeboo-néje’g Gə́ to Ala lə Israɛlje lé ɓa M’ula sí taree ya.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Jeremi 51:32

To gə́ taa kila-rəwje pəl-pəl. Pər roo dɔ dṵga loo-ndɔje rug-rug Ar dəwje gə́ njérɔje lé ɓəl unda dee badə gaŋg dee.

Ojee 6:11

Seḭ gə́ Juda kara ma m’wa dɔ gɔl né Gə́ seḭ dubuje lé gə mba kinja mba̰ Loo gə́ m’a gə tel gə koso-dəwje ləm Gə́ loo si dee gə́ kédé’g lé.

Amɔs 1:3

Njesigənea̰ ɓa pa togə́bè pana: Gə mbata kaiya ra Damasje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ tal Galaadje ras-ras gel kag-lar’g To gə́ d’unda ne kó bèe.

Misee 4:12

Nɛ deḛ gər takə̰ji lə Njesigənea̰ el ləm, Deḛ gər néje gə́ yeḛ wɔji mée’g el ləma, Deḛ gər to gə́ yeḛ ɓa mbo̰ dee dɔ na̰’d Asəna gə kó gə́ to loo-kundá’g bèe el ləm tɔ.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Habakuk 3:12

I gugu dɔ naŋg nee gə boo-oŋg ləi ləm, I rəd dɔ ginkoji dəwje gə raŋg naŋg mbə̰ji-mbə̰ji gə meekḭ pu ləi ləm tɔ.

Matiyo 13:30

Ya̰je ar deeje tɔg na̰’d saar ndɔ kinja kó lé ndá ma nja m’a kula njékinjakoje pana: Tɔrje haowa tɔje gə dəa-dəa oreeje dɔ na̰’d més-més mba kula pər keneŋ, nɛ mbo̰je kó gə́ maji ɔmje dàmá ləm ya.

Matiyo 13:39

Njeba̰ gə́ njedubu haowa lé yee ɓa to gə́ Njekurai lé ya. Naḭ kinja kó lé yee ɓa to ndɔ gə́ rudu naŋg nee a kun ɗiao. Njékḭjakoje lé deḛ ɓa to kuraje gə́ dara tɔ.