Jeremi 51:28 - Maktub gə́ To gə Kəmee

²⁸ Maji kar sí waje dɔ gɔl ginkoji dəwje gə raŋg ləm, Gə mbaije gə́ Médi ləm, Gə njéguburuɓeeje ləa ləm, Gə ŋgan-mbaije ləa lai ləma, Gə ɓeeje lai gə́ deḛ to dəw dɔ deeje ləm tɔ, Gə mba kar dee d’aw rɔ səa.

Jeremi 51:28 ပူးပေါင်းရင်းမြစ်များ

Gḭ-Néje 10:2

Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras.

1 Sôrta Gḭka-Israɛlje 1:5

Ri ŋgalə Japet ɓa nee: Gomer, Magɔg, Madai, Jaban, Tubal, Mesek gə Tiras.

Este 1:3

Ləb ko̰ɓee ləa gə́ njekɔm’g munda lé yeḛ ar dee ra muru-gad mbata lə ŋgan-mbaije ləa lai ləm, gə kuraje ləa ləm tɔ. Ɓé-njérɔje lə Persəje gə Medəje ləm, gə dəwje gə́ boo-boo ləma, gə njékaa dɔ dəb ɓeeko̰je ləm tɔ lé mbo̰ dɔ na̰ nea̰’g.

Este 10:2

Néje lai gə́ wɔji dɔ siŋgamoŋ ləa ləm, gə néreaje gə́ boo-boo ləma, gə boo-néje gə́ gə ria-ria gə́ mbai ra unda ne dɔ Mardose tar ləm tɔ lé see deḛ ndaŋg mee maktub sorta néraje’g lə mbaije lə Medəje gə Persəje el wa.

Esai 13:17

Aa ooje, n’a kɔs kudu Medje ɓɔḭ-ɓɔḭ gə́ dɔ dee’g Deḛ gə́ d’oo larnda gə́ né el ləm, Gə d’ar kəm dee əḭ dɔ larlɔr’g el ləm tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Jeremi 25:14

Mbata ginkoji dəwje gə raŋg gə́ to njésiŋgamoŋje ləm, gə mbaije gə́ boo-boo ləm tɔ lé d’a tel kwa dee-deḛ nja ɓər ndá n’a kuga dee gə goo néra dee ləm, gə goo kula gə́ ji dee ɓa ra ləm tɔ.

Jeremi 25:25

M’ar mbaije lai gə́ Jimri ləm, gə mbaije lai gə́ Elam ləma, gə mbaije lai gə́ Médi ləm tɔ lé d’ai.

Jeremi 50:41

Aa ooje, koso-dəwje d’ḭ dɔgel D’aw gə́ nee ləm, Ginkoji dəwje gə́ bula digi-digi Gə mbaije gə́ njésiŋgamoŋje D’uba naŋg d’ḭ rudu naŋg’d ree ləm tɔ.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Loo gə́ killa rea kəm Daniel’g 6:1

Darius, dəw gə́ Medə gə́ ləb kojee aḭ rɔ-misa̰-giree-joo lé ɓa taa ɓeeko̰ lé o̰.

Loo gə́ killa rea kəm Daniel’g 6:8

Mbai dɔ ɓeeko̰je lai ləm, gə njékaa dɔ néje ləm, gə njékaa dɔ dəb ɓeeko̰je ləm, gə njékwɔjitakəmkàrje ləma, gə njéguburuɓeeje ləm tɔ lé d’ɔm ta lə dee na̰’d mba kar dee d’ila mber torndu gə́ ka̰ mbai gə́ ka̰ kɔg loo ra né rədədə, bèe ɓa as ndɔ rɔ-munda lé nana ɓa gə́ a ra tamaji ta magə gə́ rara’g əsé ta dəw gə́ rara’g ɓa ɓó a ra tai-i mbai’g lé el ndá d’a kila debee neelé mee bwa’g dan toboḭje’g ya.

Loo gə́ killa rea kəm Daniel’g 8:20

Bàl badə gə́ ma m’ée gə́ gajeeje joo lé yee ɓa wɔji dɔ mbaije lə Medəje gə Persəje.

Loo gə́ killa rea kəm Daniel’g 9:1

Mee ləb ko̰ɓee’g dɔtar lə Darius, ŋgolə Asuerus, gə́ ginkojee to Medə, yeḛ gə́ tel to mbai lə ɓeeko̰ lə Kaldeje lé