Jeremi 51:14 - Maktub gə́ To gə Kəmee

¹⁴ Njesigənea̰ gə́ njeboo-néje Maa̰ rəa gə rəa-yeḛ nja pana: Tɔgərɔ, m’a kar dəwje Taa rɔ sí pəl-pəl to gə́ beedéje bèe Ndá deḛ d’a kur kó-rɔ wəl-wəl dɔ sí’g.

Jeremi 51:14 ပူးပေါင်းရင်းမြစ်များ

Pakɔsje 105:34

Yeḛ pata ndá beedéje teḛ To beedé gə́ dum tura ya.

Jeremi 44:26

ndá maji kar sí ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé. Aa ooje, Njesigənea̰ pana: Ma man rɔm gə rim gə́ ur dɔ loo lé, ta dəw gə́ Juda kára kara a teḛ ɓar rim el ŋga ləm, mee ɓee gə́ Ejiptə lai lé dəw kára kara a pa keneŋ pana: Mbai gə́ Njesigənea̰ to njesikəmba lé a pa bèe el ŋga ləm tɔ.

Jeremi 46:23

Lée kag-kɔr ləa siŋ siŋ-siŋ kara Deḛ tuga mbad-mbad gaŋg. Njesigənea̰ ɓa pa bèe. Mbata deḛ bula d’unda beedéje Ɓó dəw askəm tura dee el.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Jeremi 50:15

Ɔmje lul rɔ u-u-u gə looje ɓəd-ɓəd dəa’g! Yeḛ ula jia ndiŋ, Gin ɓee gə́ tum lé Gaḭ wəgələ-wəgələ ləm, Ndògo-bɔrɔje ləa təd kərm-kərm ləm tɔ, Mbata to dalba̰ lə Njesigənea̰. Maji kar sí dalje ba̰ lə sí dəa’g. Raje səa to gə́ yeḛ ra to!

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Ǝbrəje 6:13

Loo gə́ Ala un ndia ar Abrakam ndá yeḛ man rəa gə ria-yeḛ nja mbata dəw gə́ njekur dəa’g godo

Njéga̰g-Rəwtaje 6:5

Mbata deḛ d’aw gə koso-nékulje lə dee gə kəi-kubuje lə dee ləm, deḛ d’aw dèm-dèm to gə́ beedéje gə́ dum tura bèe ləm tɔ, deḛ gə jambalje lə dee lé bula digi-digi ndá ree mee ɓee’g neelé mba tujee tɔ.