Jeremi 50:46 - Maktub gə́ To gə Kəmee

⁴⁶ Kaa taa gə́ deḛ taa Babilɔn lé Ɓar ar naŋg yə, Ndu kii ɓar birim-birim Mbuna ginkoji dəwje gə raŋg’g.

Jeremi 50:46 ပူးပေါင်းရင်းမြစ်များ

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 46:12

Ginkoji dəwje gə raŋg d’oo Ta nérɔkul gə́ teḛ dɔi’g ləm, Gə́ kiije ləi gə́ ɓar Taa naŋg nee pəl-pəl ləm tɔ, Mbata njérɔje d’unda ndolè dɔ na̰’g ləm, Deḛ lai tɔr toso na̰’d ləm tɔ.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 49:21

Kaa koso lə dee gə́ ɓar lé Ar naŋg yə, Ndu kii lə dee ɓar saar teḛ baa-boo Gə́ ria lə Baa-Kas tɔ.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 51:54

Ndu kii ɓar Babilɔn Ndá tuji-boo teḛ ɓee lə Kaldeje.

Ejekel 26:18

Ɓasinè deḛ gə́ d’isi dɔgoré-looje’g D’unda bala tigi-tigi ndɔ koso’g ləi, Ɓəl-boo unda deḛ gə́ d’isi dɔgoré-looje gə́ dan baa-boo-kad’g badə gaŋg dee Mbata tuji gə́ teḛ dɔi’g.

Ejekel 27:28

Loo gə́ ndu no̰ lə njékwa ŋgaw-batoje ləi ɓar ndá Naŋgəra gə́ to ta baa-boo-kadje’g Gə́ gugu dɔi lé unda bala.

Ejekel 31:16

Kaa tuji ləa gə́ ɓar lé neḛ n’ar ginkoji dəwje gə raŋg d’unda ne bala loo gə́ n’ɔsee n’ilá loo-si njé gə́ d’wəi’g gə njé gə́ dubu dee bwa-dɔɓar’g na̰’d lé, kagje lai gə́ Edḛ gə kura kagje lə Liba̰ gə́ maji d’unda mar deeje gə́ d’ai mán yaa̰ lé meḛ dee to lɔm gin naŋg’d bər.

Ejekel 32:10

N’a kar koso-dəwje bula d’wa dɔ dee jiim mbata ləi ləm, ɓəl-boo a kunda mbaije lə dee badə gaŋg dee mbata ləi ləm tɔ loo gə́ n’a tɔji dee kiambas lə neḛ, gə kàrje lai lé deḛ d’a kunda bala tigi-tigi keneŋ mbata kəmə lə dee, nana kara a kunda bala mbata kəmə ləa-ləa ndɔ tuji’g ləi.