Jeremi 50:38 - Maktub gə́ To gə Kəmee

³⁸ Maji kar loo gə́ tudu kurum-kurum Teḛ dɔ manje’g ləa! Kar manje ləa d’yi tə-tə! Mbata to ɓee magə-poleje, Deḛ ra némbə mbata magəje gə́ wa meḛ dee.

Jeremi 50:38 ပူးပေါင်းရင်းမြစ်များ

Gḭ-Néje 8:1

Mee Ala olé dɔ Noe’g gə dɔ daje’g lai, gə dɔ nékulje’g lai gə́ d’aar səa mee kəi-kag’d lé. Ala ar lel ula dɔ naŋg nee ndá mán lé rəm.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Esai 44:27

Ma m’ula ŋguru mán gə́ uru lé m’pana: Maji kari yi tə-tə ləm, M’a kar mán baaje ləi tudu kurum-kurum ləm tɔ.

Jeremi 50:12

Ko̰ síje si dan boo-rɔkul’g, Yeḛ gə́ njekoji sí lé rɔkul wa kəmee, Aa ooje, yeḛ to rudu ginkoji dəwje ŋga. Yeḛ to dɔdilaloo ləm, Yeḛ to naŋg gə́ tudu kurum-kurum ləm, Yeḛ to ndag-loo ləm tɔ.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Jeremi 51:47

Gelee gə́ nee ɓa aa ooje, Ndɔje gə́ a gə ree lé M’a gaŋg rəwta dɔ magəje gə́ Babilɔn Ndá mee ɓee ləa lai lé rɔkul a dəb dɔ’g. Nin dəwje ləa a to naŋg rib-rib keneŋ.

Jeremi 51:52

Gelee gə́ nee ɓa aa ooje, Mee ndɔje gə́ a gə ree lé M’a gaŋg rəwta dɔ magəje’g ləa. Njesigənea̰ ɓa pa bèe, Ndá dan mee ɓee’g ləa lai lé Deḛ gə́ d’iŋga doo lé D’a tuma̰ ŋgururu-ŋgururu.

Jeremi 51:7

Kédé lé Babilɔn To gə́ bai-larlɔr ji Njesigənea̰’g, Né gə́ mee bai’g neelé Ra dəwje lai dɔ naŋg nee, Ginkoji dəwje gə raŋg D’ai mán-nduú gə́ mḭ gə́ to mée’g lé. Gelee gə́ nee ɓa Ginkoji dəwje gə raŋg tel to ne mbəje.

Loo gə́ killa rea kəm Daniel’g 5:4

Deḛ d’ai mán-nduú gə́ mḭ ləm, deḛ pidi ne magəje gə́ ra dee gə larlɔr gə larnda gə larkas gə larndul gə kag gə mbal ləm tɔ.

Néra Njékaḭkulaje 17:16

To gə́ Pool si Aten ŋgina dee lé ndá mée aw biriri-biriri mbata yeḛ oo magə-poleje taa loo mee ɓee-boo’g neelé pəl-pəl.

Loo gə́ killa rea kəm Ja̰’g 16:12

Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé.

Loo gə́ killa rea kəm Ja̰’g 17:5

Ria gə́ to gə ndəree lé deḛ ndaŋg ŋgo nea̰’g pana: Babilɔn, ɓee-boo, ko̰ njémɔdkaiyaje gə néndɔlje gə́ dɔ naŋg nee.

Njéga̰g-Rəwtaje 6:30

Togə́bè ɓa dəwje gə́ mee ɓee-boo’g lé d’ula Joas pana: Ar ŋgoni teḛ gə́ raga nee mba kar sí n’tɔleeje mbata yeḛ ɔs loo-nékinjaməs lə Baal ila ləm, kag-magə gə́ to gə kəmee gə́ to dɔ’g lé kara yeḛ təd ləm tɔ.