Jeremi 50:37 - Maktub gə́ To gə Kəmee

³⁷ Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Jeremi 50:37 ပူးပေါင်းရင်းမြစ်များ

Pakɔsje 46:9

Maji kar sí gə́ reeje, Ooje kula raje lə Njesigənea̰, Ooje nétujije gə́ yeḛ ra dɔ naŋg nee.

Pakɔsje 76:6

Bao-rɔje gə́ njékwa diŋgam meḛ dee’gje lé D’unda dee banrɔ ya, D’oso gə rudu ɓi lə dee, Deḛ bao-rɔje lai neelé d’oo loo kaḭ bada dɔ rɔ dee’g el.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Esai 45:3

M’a kari nébaoje gə́ to loo-kiya’g ləm, Gə némajije gə́ d’iya dee loo-ŋgəḭ’g ləm tɔ Gə mba kari gər gao to gə́ ma Njesigənea̰ Gə́ m’ɓari gə rii lé Ma m’to Ala lə Israɛlje.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Jeremi 25:24

M’ar mbaije lai gə́ Arabi ləm, gə mbaije lə Arabə lai gə́ d’isi dɔdilaloo’g ləm tɔ lé d’ai.

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 50:10

Ɓee gə́ Kalde lé d’a kundá banrɔ, Deḛ lai gə́ d’a kodo néje gə́ keneŋ lé A kas dee nag-nag. Njesigənea̰ ɓa pa bèe.

Jeremi 50:26

Maji kar sí ḭje gə looje lai A̰dje mee ɓee gə́ Babilɔn, Ɔsje ta damje ləa ilaje ləm, Waje kugu dɔ na̰’d to gə́ kugu mu bèe Ndá tujeeje pugudu ləm tɔ!

Jeremi 51:21

I ɓa m’uni m’tuji ne kunda gə njekuba na̰’d ləm, I ɓa m’uni m’təd ne pusu-rɔ Gə yeḛ gə́ si mée’g ləm tɔ.

Jeremi 51:22

I ɓa m’uni m’tuji ne diŋgam gə dené ləm, I ɓa m’uni m’tuji ne ɓuga gə ŋgon ləm, I ɓa m’uni m’tuji ne basa gə ŋgoma̰də ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Jeremi 51:4

Maji kar dee doo gə́ as yoo Kar dee to ne naŋg rib-rib Mee ɓee’g lə Kaldeje ləm, Maji tɔs dee kib-kib kɔm dee naŋg Mba̰-rəwje gə́ Babilɔn ləm tɔ!

Ejekel 30:5

Etiopije gə Putje gə Ludje gə Arabi bura gə Kubje gə njéɓeeje gə́ manrɔ dee d’ar na̰ lé d’a kwəi yoo-kiambas sə dee na̰’d.

Ejekel 39:20

Ta ka nésɔ’g lə neḛ lé dakasrɔ kundaje gə dakasrɔ njékal deeje gə dakasrɔ bao-rɔje gə dakasrɔ njérɔje lai lé seḭ a sɔje kaareeje as sí nag-nag, Mbaidɔmbaije gə́ Njesigənea̰ ɓa pa bèe.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Nahum 3:13

Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.

Ajee 2:22

N’a tɔs kalimbai ɓeeko̰je tila ləm, n’a tuji siŋgamoŋ lə ɓeeko̰je lə ginkoji dəwje gə raŋg ləm, n’a tɔs pusu-rɔje gə dee gə́ d’isi dɔ’g tila dee ləma, kundaje gə njékaw rɔ gə kundaje lé d’a tɔl na̰ ləm tɔ.