Jeremi 50:36 - Maktub gə́ To gə Kəmee

³⁶ Ɔrje kiambas wɔjije ne njéteggintaje gə́ ŋgɔm! Ar deeje tel to d’asəna gə mbəje! Ɔrje kiambas wɔjije ne bao-rɔje! Arje ɓəl unda dee ɓad gaŋg dee!

Jeremi 50:36 ပူးပေါင်းရင်းမြစ်များ

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 17:14

Absalɔm gə Israɛlje lai pana: Takwɔji-kəmkàr lə Usai, dəw gə́ Arki lé ɓa maji unda takwɔji-kəmkàr lə Ahitopel. Nɛ Njesigənea̰ ɓa ra togə́bè mba tuji ne takwɔji kəmkàr lə Ahitopel gə mba kar némeeko̰ oso ne dɔ Absalɔm’g.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Jeremi 48:30

Njesigənea̰ pa pana: Ma m’gər kunda dɔ tar ləa ləm, gə tapeaje gə́ gə mḭdé-mḭdé ba no̰ dəwje’g ləma, gə néreaje gə́ to né gə́ kari ba lé ləm tɔ.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 50:30

Gelee gə́ nee ɓa basaje ləa d’a kwəi ne mba̰-rəwje’g ləm, mee ndəa’g neelé njérɔje ləa lai d’a tuji pugudu ləm tɔ. Njesigənea̰ ɓa pa bèe.

Jeremi 51:23

I ɓa m’uni m’tuji ne njekulbadje gə koso-nékulje ləa ləm, I ɓa m’uni m’tuji ne njendɔ gə bɔ maŋgje ləa ləma, I ɓa m’uni m’tuji ne njéguburuɓeeje gə mbaije ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Jeremi 51:32

To gə́ taa kila-rəwje pəl-pəl. Pər roo dɔ dṵga loo-ndɔje rug-rug Ar dəwje gə́ njérɔje lé ɓəl unda dee badə gaŋg dee.

Nahum 2:8

Deḛ ra né mba̰, Deḛ tɔr né rəa’g d’ya̰ kudee dum d’wa d’aw səa ləm, Kuraje ləa gə́ dené tuma̰ ŋgururu-ŋgururu to gə́ dərje bèe ləma Kunda ne kaar dee ləm tɔ.

Nahum 3:13

Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.

Nahum 3:7

Deḛ lai gə́ d’a koo sí lé D’a kaḭ kunda rɔ dee ŋgərəŋ pana: Ninibə lé tuji pugudu mba̰! See na̰ ɓa a no̰ nea̰ wa. See loo gə́ ra ɓa n’a saŋg njégɔl meḛ síje keneŋ wa.

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

1 Timote 6:4

ndá yeḛ to njeti rəa mugugu-mugugu ləm, yeḛ gər né el ləm tɔ. Yoo-dəji ta gə yoo-maḭta ɓa malee rəa. Taje neelé ɓa oji kəmkəḭ ləm, gə kɔl ləm, gə təd ta kɔm ta na̰’g ləm, gə kwa na̰ gə meḛ ləma,

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.