Jeremi 50:30 - Maktub gə́ To gə Kəmee

³⁰ Gelee gə́ nee ɓa basaje ləa d’a kwəi ne mba̰-rəwje’g ləm, mee ndəa’g neelé njérɔje ləa lai d’a tuji pugudu ləm tɔ. Njesigənea̰ ɓa pa bèe.

Jeremi 50:30 ပူးပေါင်းရင်းမြစ်များ

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 48:15

Moab tuji pugudu, Sa uba dɔ ɓee-booje’g ləa ŋgɔg-ŋgɔg ləm, Basaje ləa gə́ maji d’unda mar deeje lé Tḭja gwɔs dee ləm tɔ. Mbai gə́ ria lə Njesigənea̰ lə bao-roje ɓa pa bèe.

Jeremi 49:26

Gelee gə́ nee ɓa basaje ləa d’a kwəi mba̰-rəwje’g ləm, njérɔje ləa lai d’a kwəi mee ndəa’g nee ləm tɔ. Njesigənea̰ gə́ njeboo-néje ɓa pa bèe.

Jeremi 50:36

Ɔrje kiambas wɔjije ne njéteggintaje gə́ ŋgɔm! Ar deeje tel to d’asəna gə mbəje! Ɔrje kiambas wɔjije ne bao-rɔje! Arje ɓəl unda dee ɓad gaŋg dee!

Jeremi 9:21

Jeremi, maji kari ula dee pana: Njesigənea̰ pa togə́bè pana: Nin dəwje d’a to naŋg To gə́ siḭ néje to ne mee ndɔje’g bèe ləm, To gə́ dɔ koje nai ne goo njekinjako’d Gə́ dəw odo dee el bèe ləm tɔ.

Loo gə́ killa rea kəm Ja̰’g 19:18

ɓó gə mba sɔ dakasrɔ mbaije ləm, gə dakasrɔ ɓé-njérɔje gə́ dɔ naŋg nee ləm, gə dakasrɔ njésiŋgamoŋje ləm, gə dakasrɔ kundaje gə njékuba deeje ləm, gə dakasrɔ dəwje lai gə́ to gə ŋgankojije gə ɓərje ləma, gə dakasrɔ dəwje gə́ gɔ-gɔ gə njé gə́ boo-boo lé ləm tɔ.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.