Jeremi 50:27 - Maktub gə́ To gə Kəmee

²⁷ Maji kar sí tɔlje bɔ maŋgje lə deḛ lai, Awje sə dee loo-tḭja-gwɔs dee’g. Meeko̰ oso dɔ dee’g Mbata ndɔ lə dee teḛ mba̰, To kàr kar bo̰ néra dee ɔs ta dee’g.

Jeremi 50:27 ပူးပေါင်းရင်းမြစ်များ

Maktub gə́ wɔji dɔ Jɔb 18:20

Dəwje gə́ d’a gə koji dee gogo lé kaar dee a kwa dee paḭ mbata tuji ləa ləm, Deḛ gə́ d’isi keneŋ ɓasinè kara ɓəl-boo a kunda dee badə gaŋg dee gə mbəa ləm tɔ.

Pakɔsje 22:12

Loo gə́ néurti ree pər gə́ rɔm’g, Loo gə́ dəw kára kara ree mba la səm el lé ndá Maji kari unda rɔi ŋgərəŋ səm el.

Pakɔsje 37:13

Mbaidɔmbaije kogo njemeeyèr lé Mbata yeḛ oo to gə́ ndɔ ləa si ree dəb ŋga.

Esai 21:12

Njeŋgəmloo lé tel ilá keneŋ pana: Loo si àr ya Nɛ loo to bidig ɓəi. Ɓó lé seḭ ndigi dəjije ta ndá Gə́ dəjije ya, Waje ndòo rɔ sí ndá gə́ telje reeje.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 34:7

Dadɔgje toso na̰’d Gə maŋgje gə bɔ maŋgje tɔ, Dɔ naŋg ai məs dee ləm, Nduji naŋg o̰ ubu dee ləm tɔ.

Jeremi 12:3

Nɛ Njesigənea̰, i gərm gao ləm, I oom ləma, i naa meekuru ləm Gə́ m’ɔm dɔi’g ləm tɔ. Maji kari ɔr dee asəna gə badje Gə́ d’aw sə dee gə́ loo-tɔl dee’g ləm, Maji kari gɔl dee Ŋgina ne ndɔ ndum dee mburug-mburug ləm tɔ.

Jeremi 25:34

Seḭ njékul dəwje, Ɔrje ndu sí gə́ tar no̰je ne! Seḭ njékɔrno̰ koso-dəwje, Rogoje dan buu’g! Mbata ndɔje gə́ ka̰ kar dee Gaŋ gwɔb sí teḛ mba̰. N’a tɔ sí pɔs-pɔs asəna gə jo-gɔr bèe.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

Jeremi 48:15

Moab tuji pugudu, Sa uba dɔ ɓee-booje’g ləa ŋgɔg-ŋgɔg ləm, Basaje ləa gə́ maji d’unda mar deeje lé Tḭja gwɔs dee ləm tɔ. Mbai gə́ ria lə Njesigənea̰ lə bao-roje ɓa pa bèe.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 50:31

Aa oo, i gə́ njebeelé lé m’aw səi gə ta! Mbata ndɔ ləi teḛ mba̰, To kàr kar bo̰ nérai ɔs tai’g, Mbaidɔmbaije gə́ Njesigənea̰ Le bao-rɔje ɓa pa bèe.

Jeremi 51:40

M’a kar dee d’aw To gə́ ŋgan badje bèe loo-tɔl dee’g ləm, To gə́ bàl badje gə bàl bya̰je bèe ləm tɔ.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.

Loo gə́ killa rea kəm Ja̰’g 19:17

Ma m’oo kura gə́ dara gə́ aar dan kàr’g. Yeḛ pata gə ndia gə́ boi wəl ula ne yelje lai gə́ d’aw pə̰ dara’g lé pana: Gə́ reeje mbo̰je dɔ na̰ ɓó gə raje naḭ lə Ala gə́ boi,