Jeremi 50:15 - Maktub gə́ To gə Kəmee

¹⁵ Ɔmje lul rɔ u-u-u gə looje ɓəd-ɓəd dəa’g! Yeḛ ula jia ndiŋ, Gin ɓee gə́ tum lé Gaḭ wəgələ-wəgələ ləm, Ndògo-bɔrɔje ləa təd kərm-kərm ləm tɔ, Mbata to dalba̰ lə Njesigənea̰. Maji kar sí dalje ba̰ lə sí dəa’g. Raje səa to gə́ yeḛ ra to!

Jeremi 50:15 ပူးပေါင်းရင်းမြစ်များ

1 Sôrta Gḭka-Israɛlje 29:24

Mbaije lai ləm, gə bao-rɔje lai ləma, gə ŋgalə mbai Dabid lai lé kara ləm tɔ, d’oso gel mbai Salomo̰’g ya.

2 Sôrta Gḭka Israɛlje 30:8

Maji kar sí toje njégwɔbkelkwɔije to gə́ bɔ síje-je bèe el nɛ ya̰je rɔ sí arje Njesigənea̰, reeje ne mee kəi’g ləa gə́ yeḛ unda gə kəmee saar gə no̰ ləm, raje né arje Njesigənea̰, Ala lə sí ləm tɔ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

Pakɔsje 149:7

Gə mba dal ne ba̰ ginkoji dəwje gə raŋg ləm, Mba kar bo̰ néra koso-dəwje ɔs ne ta dee’g bɔsɔrɔ ləm,

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Esai 63:4

Mbata ndɔ dalba̰ lé wa məəm ləm, Ləb kuga dɔ dəwje ləm teḛ mba̰ ləm tɔ.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Jeremi 50:14

Tɔsje rɔ sí guguje dɔ Babilɔn sub rɔje səa, Seḭ lai gə́ toje njérɔ ɓandaŋgje lé! Maji kar sí rɔje ɓandaŋgje lə sí gə́ keneŋ, Ya̰je kag ɓandaŋgje ji sí’g el! Mbata yeḛ ra kaiya ɔs ne ta lə Njesigənea̰ rəw.

Jeremi 50:25

Njesigənea̰ ɔr takəi-ŋgəm-nérɔje ləa, Yeḛ teḛ gə nérɔje gə́ ka̰ oŋg ləa Gə́ to keneŋ, Mbata yee neelé to kula ra Mbaidɔmbaije Njesigənea̰ gə́ njeboo-néje, Mee ɓee gə́ Kalde.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Jeremi 51:14

Njesigənea̰ gə́ njeboo-néje Maa̰ rəa gə rəa-yeḛ nja pana: Tɔgərɔ, m’a kar dəwje Taa rɔ sí pəl-pəl to gə́ beedéje bèe Ndá deḛ d’a kur kó-rɔ wəl-wəl dɔ sí’g.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Jeremi 51:25

Njesigənea̰ ɓa pa togə́bè, Aa ooje, m’aw səi gə ta, I to mbal gə́ ka̰ tuji loo ləm, I gə́ tuji naŋg nee lai lé ləm tɔ. M’a kula jim ndiŋ gə́ dɔi’g ləm, M’a kɔri dɔ mbalje’g Kilai kari nduburi oso naŋg ləma, M’a kari to mbal gə́ taa pər gəgəgə ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Jeremi 51:36

Gelee gə́ nee ɓa Njesigənea̰ pa ne ta togə́bè pana: Aa ooje, m’a kaḭ rɔ mbata lə sí ləm, M’a dal ba̰ lə sí ləm tɔ! M’a kar baa-boo-kad gə́ Babilɔn Tudu kurum-kurum ləm, M’a kar ŋgira mán ləa yi tə-tə ləm tɔ.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Jeremi 51:6

Ḭje Babilɔn aḭje ləm, Maji kar nana kara taa rəa ta yoo’g ləm tɔ Nà banelə seḭ a tujije səa na̰’d! Mbata to kàr dalba̰ lə Njesigənea̰, Yeḛ a ra səa né gə goo kula reaje.

Jeremi 51:64

ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Nɔ̰-ndôo gə́ wɔji dɔ Jerusalem 5:6

Jeḛ j’ulaje ji sí par gə́ Ejiptə gə Asiri Mba kiŋga nésɔ karee as sí.

Ejekel 17:18

Yeḛ ə̰ji ta rɔkubu bəḭ-bəḭ ləm, yeḛ gaŋg kúla manrɔ ləma, yeḛ ula jia ar dee man ne rəa ləm tɔ nɛ yeḛ ra néje nee lai, ndá yeḛ a taa rəa el.

Ejekel 21:22

Neḛ kara n’a kunda ji neḛ tɔ, n’a kar boo-oŋg lə neḛ aw ne lée’g béréré, to neḛ Njesigənea̰ ɓa m’pata.

Nahum 1:2

Njesigənea̰ to Ala gə́ kəmee əḭ dɔ dəwje’g ləa ləm, Yeḛ to njedalba̰ ləm tɔ, Njesigənea̰ to njedalba̰, Oŋg taa mée pəl-pəl, Njesigənea̰ dal ba̰ gə njékoma̰ səaje ləm, Yeḛ ar mée aw biri-biri dɔ njéba̰je’g ləa ləm tɔ.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Lugu 21:22

Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

Tel tura Godndu 32:41

Ɓó lé m’ɔl ta kiambas ləm gə́ ndɔḭ pèl-pèl ləm, Ɓó lé m’wa rəwta-gaŋg gə́ gə dɔ najee jim’g ləm tɔ ndá, M’a dal ba̰ gə njéba̰je ləm ləm, M’a kar bo̰ néra dee Gə́ njékḛjim bəḭ-bəḭje ɔs ta dee’g ləm tɔ.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Jujé 6:20

Yen ŋga koso-dəwje lé d’ɔm lul rɔ u-u-u ləm, njékinjanéməsje kara d’im to̰to̰ ləm tɔ. Loo gə́ koso-dəwje d’oo ndu to̰to̰ gə́ ɓar ndá deḛ d’ɔm lul rɔ u-u-u gə ndu dee gə́ boi ndá ndògo-bɔrɔ lé təd unda naŋg rib, koso-dəwje lé nana kara andə aw mee ɓee’g dəa gə́ kédé njoroŋ. Deḛ taa ɓee-boo neelé tɔ.

Jujé 6:5

Tɔɓəi loo gə́ d’a kim to̰to̰ gaji badə karee ɓar ləm, loo gə́ seḭ a kooje ndu to̰to̰ gə́ ɓar lé ləm tɔ ndá koso-dəwje lai d’a kɔr ndu dee gə́ tar kɔm lul rɔ u-u-u. Togə́bè ɓa ndògo-bɔrɔ gə́ gugu gir ɓee neelé a kunda naŋg rib ndá koso-dəwje lé nana kara a kandə mee ɓee’g dəa gə́ kédé njoroŋ.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.

Loo gə́ killa rea kəm Ja̰’g 19:2

mbata rəwta-gaŋg ləa to gəd ləm, to gə dɔ najee ləm tɔ. Yeḛ gaŋg rəwta ila dɔ kaiya-dené gə́ njemina̰ naŋg nee gə mɔdkaiya ləa, yeḛ dal ba̰ məs kuraje ləa gə darɔ məsee-yeḛ nja.

1 Samel 15:33

Nɛ Samel pana: To gə́ kiambas ləi ar denéje d’isi lal ŋgan deeje lé Kɔḭje kara a si mbuna dené mareeje’g lal ŋgon tɔ. Yen ŋga Samel gaŋg Agag dana mbidi-mbidi no̰ Njesigənea̰’g loo gə́ Gilgal tɔ.