Jeremi 5:28 - Maktub gə́ To gə Kəmee

²⁸ Deḛ d’ər ndɔl-ndɔl D’ar rɔ dee àr wəd-wəd Nɛ néra majel lə dee al dɔ loo sula. Deḛ d’isi dan nékiŋgaje’g bèdèg Nɛ d’ɔr kəmta lə ŋgonal el ləm, Deḛ d’ya̰ né gə́ wɔji dɔ njéndooje D’ar dee d’iŋga el ləm tɔ.

Jeremi 5:28 ပူးပေါင်းရင်းမြစ်များ

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Pakɔsje 119:70

Meḛ dee ila mba̰ree to gə́ ubu gə́ ɓi bèe, Nɛ ma lé m’ar godndui to gə́ nérɔlel ləm.

Pakɔsje 72:4

Yeḛ a ra gə ta lə njénékəmndooje mbuna dəwje’g gə goo rəbee ləm, Yeḛ a kaji ŋgalə njéndooje ləma, Yeḛ a kḭ tal njekula kəmloondoo lé naŋg ras-ras ləm tɔ.

Pakɔsje 73:12

Njémeeyèrje lé to togə́bè ya, Rɔ dee lel dee gə ndɔ dee ndɔ dee ləm, Nébaoje lə dee oso dɔ maree’d gə́ kédé-kédé ya ləm tɔ.

Pakɔsje 73:4

Né kára kara jɔg dee el saar teḛ ne ndɔ yoo dee’g ləm, Darɔ dee kara to ndəb-ndəb ləm tɔ.

Gosota-Kəmkàrje 15:25

Njesigənea̰ tɔs kəi lə njébeeleje tila, Nɛ yeḛ ar ŋgaŋ looje lə njekəisiŋga to njaŋg.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Jeremi 2:33

Seḭ lé seḭ gərje loo ra goso yaa̰ Mba ndolè yeḛ gə́ seḭ ndigeeje lé Ndá seḭ raje goso yaa̰ Gə mba ra ne némajelje togə́bè ya tɔ.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 7:6

ɓó lé seḭ ulaje kəm dəw-dɔ-ɓee gə ŋgonal gə njekəisiŋga ndòo el ləm, ɓó lé seḭ ilaje məs yeḛ gə́ ta wa dəa el lé naŋg loo gə́ nee’g el ləma, ɓó lé seḭ ndolèje goo magəje gə mba kiŋgaje ne némeeko̰ el ləm tɔ ndá

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Jakari 7:10

Ulaje kəm njékəisiŋgaje gə ŋganalje Esé njéndooje əsé mbáje ndòo el ləm, Wɔjije-kwɔji ra gə na̰ majel el ləm tɔ.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.