Jeremi 48:46 - Maktub gə́ To gə Kəmee

⁴⁶ Meeko̰ oso dɔi-i Moab’g! Koso-dəwje lə magə-Kemos tuji! Mbata d’aw gə ŋganije gə́ diŋgam Gə njé gə́ dené ɓee-ɓər’g.

Jeremi 48:46 ပူးပေါင်းရင်းမြစ်များ

1 Mbaije 11:7

Yen ŋga Salomo̰ ra loo gə́ ndəw dɔ mbal gə́ to no̰ Jerusalem’g mbata lə magə-Kemos gə́ ar Moabje mina̰ lé ləm, yeḛ ra togə́bè mbata lə magə-Molok gə́ ar Amo̰je mina̰ lé ləm tɔ.

2 Mbaije 23:13

Looje gə́ ndəw gə́ wɔji dɔ Jerusalem njoroŋ par gə́ dɔkɔl lə mbal gə́ ria lə Loo-tuji gə́ Salomo̰, mbai ra ar magə-Astarté lé mbai ra né keneŋ ar dee tel to looje gə́ mina̰ ləm, yeḛ tuji né gə́ mina̰ gə́ njé gə́ Sido̰ ra d’ar Kemos ləm, gə né gə́ mina̰ gə́ njé gə́ Moab ra d’ar Milkɔm ləma, gə né gə́ mina̰ gə́ Amo̰je ra ləm tɔ.

Esai 16:2

To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Bula lə Israɛlje 21:29

Meeko̰ a koso dɔi’g, i ɓee gə́ Moab! Seḭ dəwje gə́ Kemos, seḭ saḭje mba̰! Yeḛ ar ŋganeeje gə́ diŋgam tel to njékaḭ no̰ njéba̰je’g lə dee ləm, Ya̰ ŋganeeje gə́ dené ar dee tel to ɓərje Le Siho̰, mbai lə Amɔrje ləm tɔ.

Njéga̰g-Rəwtaje 11:24

Né gə́ magə ləi gə́ to Kemos ari mba karee to kaḭ lé see i iŋga el wa. Ŋga néje lai gə́ Ala lə sí gə́ Njesigənea̰ unda no̰ sí’d gə́ ka̰ síjeḛ lé see j’a taaje el wa.