Jeremi 48:20 - Maktub gə́ To gə Kəmee

²⁰ Moabje d’isi gə rɔkul, Mbata deḛ tuji ɓee lə dee pugudu-pugudu. Maji kar sí tuma̰je ŋgururu-ŋgururu ləm, Raje né wəl-wəl ləm tɔ. Maji kar sí ilaje mberee Arje deḛ gə́ d’isi ta baa gə́ Arno̰ To gə́ Moab lé tuji pugudu mba̰.

Jeremi 48:20 ပူးပေါင်းရင်းမြစ်များ

Esai 15:8

Mbata ndu no̰je lé gugu dɔ rəw-nim-ɓeeje gə́ Moab sub, Ndu no̰ sii mbigi-mbigi lə dee ɓar saar teḛ Eglayim ləm, Ndu no̰ sii mbigi-mbigi lə dee ɓar saar teḛ Beer-Elim ləm tɔ.

Esai 16:2

To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Tel tura Godndu 2:36

Un kudee Aroer dɔ koŋgo baa’d gə́ Arno̰ ləm, gə ɓee-boo gə́ to wəl-loo’g saar teḛ Galaad ləm tɔ lé ɓee-boo gə́ kára gə́ siŋgá ur dɔ sí’g lé godo: Ala lə sí gə́ Njesigənea̰ ya̰ néje lai meḛ ji sí’g.

Jujé 13:9

un kudee Aroer gə́ to ta baa gə́ Arno̰ ləm, un kudee ɓee-boo gə́ to mee wəl-loo’g dana bab ləma, ndag-looje lə Médeba lai saar teḛ ne Dibo̰ ləm tɔ.

Njéga̰g-Rəwtaje 11:18

Tɔɓəi deḛ d’un rəw gə́ dɔdilaloo’g ga̰ gir ɓee’d gə́ Edɔm gə ɓee gə́ Moab ɓa ree par gə́ bər lə Moab ɓəi, deḛ d’wa loo-si dee kel tura-baa gə́ Arno̰ gə́ nu ɓó d’andə dɔ naŋg ɓee gə́ Moab’g el mbata baa gə́ Arno̰ ɓa to rəw-nim-ɓee gə́ Moab tɔ.