Jeremi 46:22 - Maktub gə́ To gə Kəmee

²² D’aw rug-rug to gə́ lije bèe, Mbata njéba̰je d’aw ree gə njérɔje na̰’d Deḛ d’aw ree gə́ dəa’g gə tinaje To gə́ njétuga-kagje bèe.

Jeremi 46:22 ပူးပေါင်းရင်းမြစ်များ

Pakɔsje 74:5

D’oo dee asəna kára ba gə deḛ gə́ d’odo tinaje lə dee D’aw ne mee kag-kɔr gə́ ndər siŋ-siŋ’d bèe.

Esai 10:15

Tina lé see a ti rəa Dɔ njekunee ra ne kula’g wa. Esé see kuba a kəsta Dɔ njekunee tɔl ne né wa. A to kasəna gə ndəi Gə́ ar njekunee ra ne né ləm, A to kasəna gə kag-tɔs Gə́ ar njetɔsee gə́ to gə́ kag el lé Ra ne né ləm tɔ.

Esai 14:8

Kag-siprɛsje gə kag-sɛdrəje gə́ Liba̰ kara D’al rɔ dee d’wɔji ne dɔ koso ləi pana: Loo gə́ i oso ya saar ɓasinè lé Dəw kára kara ḭ gə mba tuga sí el.

Esai 29:4

D’a tel səi gə́ naŋg ndá Ndui a ɓar gel naŋg’d bər, Babur a kɔg loo koo ndui, Ndui a kḭ naŋg ɓar Asəna gə ndu ndil bèe Dan babur’g lé ɓa i a jém ta ləi keneŋ.

Esai 37:24

I ula sul dɔ Mbaidɔmbaije’g gə ndu kuraje ləa Ndá i pana: Mbɔl dɔ pusu-rɔje ləi gə́ dum tura ɓa I teḛ ne dɔ sém mbalje gə́ Liba̰, I tuga kag-sɛdrəje ləa gə́ ŋgal d’unda mar deeje ləm, Gə kag-siprɛsje ləa gə́ maji d’unda mar deeje ləma, I aw njal teḛ ne sém kagje’g ləa Gə́ to mee kag-kɔr’g ləa Gə́ to asəna gə loo-ma̰a-kagje bèe ləm tɔ.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 46:23

Lée kag-kɔr ləa siŋ siŋ-siŋ kara Deḛ tuga mbad-mbad gaŋg. Njesigənea̰ ɓa pa bèe. Mbata deḛ bula d’unda beedéje Ɓó dəw askəm tura dee el.

Misee 1:8

Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Misee 7:16

Ginkoji dəwje gə raŋg d’a koo ndá Rɔkul a dəb dɔ dee’g Gə dɔ nésiŋgamoŋje’g lə deḛ lai, D’a kwa ta dee sud si ta dee mundu ləm, Mbi dee a kudu jig-jig ləm tɔ.

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Jujé 9:21

Njékaa dɔ deeje d’ula dee pana: D’a si kəmba ya. Nɛ deḛ tel to njétuga-kagje gə njéto-manje mbata lə koso-dəwje lai to gə́ njékaa dɔ deeje d’ula dee lé bèe ya tɔ.