Jeremi 46:2 - Maktub gə́ To gə Kəmee

² Ta gə́ wɔji dɔ Ejiptə. Ta gə́ wɔji dɔ njérɔje lə Parao̰ Neko, mbai gə́ Ejiptə gə́ si mbɔr baa-boo gə́ Epratə, mee ɓee gə́ Karkəmis ləm, gə́ Nebukadnesar, mbai gə́ Babilɔn dum dee mee ləb ko̰ɓee lə Jojakim, ŋgolə Jojias, mbai gə́ Juda gə́ njekɔm’g sɔ ləm tɔ.

Jeremi 46:2 ပူးပေါင်းရင်းမြစ်များ

2 Mbaije 18:21

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

2 Mbaije 23:29

Mee ndəa gən lé ɓa Parao̰ Neko, mbai gə́ Ejiptə ɔr rɔ aw rɔ gə mbai gə́ Asiri mbɔr baa gə́ Epratə’g lé. Yen ŋga Jojias, mbai teḛ aw iŋgá tɔ. Leegeneeya loo gə́ kəm Parao̰ oso dəa’g ndá yeḛ tɔlee mee ɓee gə́ Megido tɔ.

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

2 Mbaije 24:7

Mbai gə́ Ejiptə unda loo mee ɓee’g ləa teḛ raga el ŋga mbata mbai gə́ Babilɔn taa ɓeeje lai gə́ mbai gə́ Ejiptə o̰ un kudee kəm-rəw-mán gə́ Ejiptə saar teḛ ne baa gə́ Epratə lé.

Esai 10:9

See né gə́ teḛ dɔ ɓee-boo gə́ Kalno lé Aw na̰’d kára ba gə né gə́ teḛ dɔ ɓee-boo Gə́ Karkəmis bèe el wa. See né gə́ teḛ dɔ ɓee-boo gə́ Amat lé Aw na̰’d kára ba gə né gə́ teḛ dɔ ɓee-boo Gə́ Arpad bèe el wa. See né gə́ teḛ dɔ ɓee-boo gə́ Damas lé Aw na̰’d kára ba gə né gə́ teḛ dɔ ɓee-boo Gə́ Samari el wa.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 19:19

Mee ndəa’g neelé ya loo-nékinjaməs lə Njesigənea̰ a to keneŋ mbuna ɓeeje gə́ Ejiptə ləm, nékolé-mee gə́ d’unda tar gə́ wɔji dɔ Njesigənea̰ a to rəw-nim-ɓee’g lé ləm tɔ.

Jeremi 25:1

Ləb gə́ njekɔm’g sɔ gə́ Jojakim, ŋgolə Jojias, mbai gə́ Juda o̰ ne ɓee lé ta oso mbi Jeremi’g wɔji ne dɔ koso-dəwje gə́ Juda lai. To mee ləb gə́ dɔtar gə́ Nebukadnesar to ne mbai gə́ Babilɔn lé.

Jeremi 25:19

M’ar Parao̰, mbai gə́ Ejiptə ləm, gə kuraje ləa ləm, gə ŋgan-mbaije ləa ləma, gə koso-dəwje ləa lai ləm tɔ d’ai.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 36:1

Mee ləb gə́ njekɔm’g sɔ gə́ Jojakim, ŋgolə Jojias, mbai gə́ Juda o̰ ne ɓee lé Njesigənea̰ ula Jeremi ta gə rɔtaje nee pana:

Jeremi 43:11

Yeḛ a ree rɔ ɓee gə́ Ejiptə. Deḛ gə́ d’wɔji dɔ kwəi ndá kwəi ya d’a kwəi ləm, deḛ gə́ d’wɔji dɔ kaw ɓər ndá ɓər ya d’a kaw ləma, deḛ gə́ d’wɔji dɔ kiambas ndá kiambas ya d’a kwəi ne ləm tɔ.

Jeremi 45:1

Ta gə́ Jeremi, njetegginta ula Baruk, ŋgolə Nerija loo gə́ si ndaŋg ne taje nee mee maktub’g gə goo ta gə́ Jeremi ndaji aree mee ləb ko̰ɓee’g lə Jojakim, ŋgolə Jojias, mbai gə́ Juda gə́ njekɔm’g sɔ lé. Yeḛ pana:

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!