Jeremi 43:7 - Maktub gə́ To gə Kəmee

⁷ Deḛ d’aw mee ɓee gə́ Ejiptə mbata deḛ d’ila koji dɔ tapa Njesigənea̰’g lé el ndá deḛ teḛ mee ɓee-boo gə́ Tapanɛs.

Jeremi 43:7 ပူးပေါင်းရင်းမြစ်များ

2 Mbaije 25:26

Togə́bè ɓa koso-dəwje lai un kudee dɔ njé gə́ gɔ-gɔ’g saar teḛ ne dɔ njé gə́ boo-boo’g ləm, gə ɓé-njérɔje ləm tɔ lé, d’ḭ d’aw Ejiptə mbata deḛ ɓəl njé gə́ Kalde tɔ.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Esai 30:2

Deḛ d’ḭ d’aw Ejiptə lal dəjim Gə mba kiya rɔ dee gin siŋgamoŋ’d lə Parao̰ ləm, Mba kiŋga ne loo-kula-dɔ dee gel Ejiptəje’g ləm tɔ!

Esai 30:4

Mbaije ləa teḛ Soa̰’g mba̰ ləm, Njékulaje ləa kara teḛ Hanɛs’g ləm tɔ.

Jeremi 2:16

Ŋgalə Nop gə Tapanɛs kara D’a tɔ ka dɔ sí rɔb-rɔb ya.

Jeremi 41:17

Deḛ njaa saar d’aw d’aar naŋg ta Kəi-to-mbàje gə́ to Kimham mbɔr Betlehem’g dəb ɓa gə mba sa rɔ dee kaw Ejiptə gə́ əw gə Kaldeje mbata

Jeremi 42:21

Ɓogənè ma m’ula sí njai ya nɛ seḭ unje mbi sí rəw dɔ ta’g lə Ala lə sí gə́ Njesigənea̰ lé ləm, gə dɔ néje gə́ yeḛ ulam mba karm m’ula sí lé ləm tɔ.

Jeremi 44:1

Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee:

Jeremi 44:24

Jeremi tel ula koso-dəwje lai gə denéje lai tɔɓəi pana: Ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé!

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!

Ejekel 30:18

Loo gə́ n’a təd néməməna̰ lə Ejiptə kar siŋgamoŋ ləa gə́ yee aw beelé ne lé unda ŋgaŋgee ndá lookàr a tel loondul mee ɓee gə́ Tapanɛs’g. Mum a dəb dɔ Tapanɛs’g ləm, d’a kwa ŋganeeje gə́ dené kaw sə dee ɓee-ɓər’g ləm tɔ.