Jeremi 37:18 - Maktub gə́ To gə Kəmee

¹⁸ Jeremi dəji mbai Sedesias tɔɓəi pana: See kaiya ɗi ɓa m’ra nɔḭ’g ləm, gə no̰ kuraje’g ləi ləma, gə no̰ koso-dəwje’g nee ləm tɔ ɓa seḭ ilamje ne daŋgai’g gə mbəa wa.

Jeremi 37:18 ပူးပေါင်းရင်းမြစ်များ

Gḭ-Néje 31:36

Oŋg ḭ gə Jakob pu ndá yeḛ kɔl gə Laba̰. Yeḛ un ta pa pana: See né gə́ majel gə́ m’ra lé to ɗi wa əsé ɗi ɓa to kaiya rám ɓa i ndolè ne goom ta pir-pir bèe wa.

Gosota-Kəmkàrje 17:13

Dəw gə́ ra némajel godə maji gə́ ra səa lé Némajel a kya̰ mee kəi ləa nda̰ el.

Gosota-Kəmkàrje 17:26

Kwɔji né dɔ njemeekarabasur’g karee uga lé To gə goo rəbee el ləm, Kunda dəwje gə́ boo mbata néra dee gə́ danasur lé To gə goo rəbee el ləm tɔ.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Loo gə́ killa rea kəm Daniel’g 6:22

Daniel ila mbai’g lé pana: Ǝi mbai, maji kari si gə ləbi-ləbi gə nɔḭ ya!

Tagə́maji gə́ Ja̰ ndang 10:32

Jeju dəji dee pana: Ma m’ra néraje gə́ maji gə́ ḭ rɔ Bɔm’g bula m’ar sí ooje. See néra gə́ ba̰ ɓəi ɓa seḭ a gə tilamje ne gə kɔri-ər gə mbəa wa.

Néra Njékaḭkulaje 23:1

Pool aa kəm njégaŋ-rəwtaje lə Jibje lé njal ɔr ndá yeḛ ula dee pana: Ŋgakɔmje gə́ dəwje, saar ɓogənè m’aw no̰ Ala’g gə meekwəitar el ya ɓəi.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Néra Njékaḭkulaje 25:11

Ɓó lé m’ra né gə́ to gə dɔ najee el əsé m’ra né gə́ yèr gə́ as yoom əsé as daŋgai ndá m’a kaḭ ndil yoo el. Nɛ ɓó lé néje gə́ deḛ səgm ne to gə́ taŋgɔm ndá dəw kára kara askəm kwam kilam ji dee’g el tɔ. Ta ləm lé m’a ra ɓee lə Sesar ya.

Néra Njékaḭkulaje 25:25

Ma lé m’oo né kára gə́ yeḛ ra gə́ as yée el tɔɓəi to gə́ yeḛ nja kara ɓar mbai ndá ma m’wɔji-kwɔji gə mba karee aw iŋgá ya tɔ.

Néra Njékaḭkulaje 25:8

Pool un tapa gə mba taa ne dɔ rəa ndá yeḛ pana: M’ra né kára gə́ kəm kar taree wa ne dɔm el ɓó m’ra né m’orè ne godndu lə Jibje naŋg el ləm, m’ila ndɔl dɔ kəi-Ala’g el ləma, əsé gə dɔ Sesar’g el ləm tɔ.

Néra Njékaḭkulaje 26:31

Loo gə́ deḛ d’isi sa rɔ dee ŋgədəŋ ndá deḛ d’ula na̰ pana: Dəw neelé ra né gə́ as yoo əsé daŋgai el.

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.