Jeremi 36:7 - Maktub gə́ To gə Kəmee

⁷ Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 36:7 ပူးပေါင်းရင်းမြစ်များ

2 Mbaije 22:13

Maji kar sí awje, aw dəjije Njesigənea̰ mbata ləm ləm, mbata lə koso-dəwje ləma, gə mbata lə Judaje lai ləm tɔ wɔji ne dɔ gintaje nee gə́ to mee maktub gə́ d’iŋga lé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síje-je d’ila ŋgonkoji dɔ taje gə́ to mee maktub’g neelé el ləm, deḛ ra née gə́ kəm kar sí n’ra lé el ləm tɔ.

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

2 Sôrta Gḭka Israɛlje 34:21

Awje aw dəjije Njesigənea̰ mbata ləm ləm, gə mbata lə ges Israɛlje gə Judaje ləm tɔ, gə goo taje gə́ d’iŋga mee maktub’g neelé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síjeḛ-je d’aa dɔ ta lə Njesigənea̰, ra néeje lai gə́ ndaŋg mee maktub’g neelé el.

Jeremi 1:3

gə mee ndəa’g lə Jojakim, ŋgolə Jojias, mbai gə́ Juda ləma, saar rudu ləb gə́ njekɔm’g dɔg-giree-kára gə́ Sedesias, ŋgolə Jojias to ne mbai gə́ Juda ləma, saar mee ndəa gə́ d’wa ne njé gə́ Jerusalem d’aw sə dee ɓee-ɓər’g mee naḭ gə́ njekɔm’g mi lé ləm tɔ.

Jeremi 16:10

Loo gə́ m’a gə kila mber ta néje lai neelé kar koso-dəwje nee d’oo ndá d’a dəjim pana: See gelee ban ɓa Njesigənea̰ wɔji-kwɔji kar boo-nékəmndooje neelé teḛ dɔ dee’g wa. See ɗi ɓa gə́ néra kori-kori lə dee wa. See kaiya gə́ ra ɓa deḛ ra d’ɔs ne ta lə Njesigənea̰, Ala lə dee rəw wa.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 21:5

Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 26:3

Banelə d’a koo ta ləm kar nana kara ɔs badm tel ya̰ goo rəw-kabee gə́ majel. Bèe ɓa m’a kya̰ goo némajel gə́ m’wɔji gə mba ra sə dee mbata néra majelje lə dee lé.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Jeremi 37:20

Ɓasinè mbai ləm, i gə́ to njekaa dɔm lé, m’ra ndòo rɔi’g, maji kar ndòo raje ləm oso mbii’g pad ya. Am m’tel m’aw kəi lə Jonatan, njendaji-maktub lé el nà m’a kwəi keneŋ!

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Nɔ̰-ndôo gə́ wɔji dɔ Jerusalem 4:11

Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Ejekel 12:3

Ma ŋgon-dəw lé maji kam m’wa dɔ gɔl nékawmbá ləm, m’unda loo m’teḛ m’aw kəm dee’g dan kàrá ya! M’ḭ loo’g ləm gə́ m’isi keneŋ lé kəm dee’g ya m’aw loo gə́ raŋg’d, banelə a kar dee gər to gə́ deḛ to dəwje gə́ to njékɔsta-rəwje ya.

Ejekel 13:13

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: N’a kar lel-ndi ula mbḭ-mbḭ dan boo-oŋg’d lə neḛ ləm, ndi bura-boo a tɔ kub kər dan oŋg’d lə neḛ ləm tɔ, tɔɓəi ndi kwɔji a jura naŋg wururu-wururu gə mba tuji loo pugudu-pugudu.

Ejekel 20:33

Mbaidɔmbaije gə́ Njesigənea̰ pana: Neḛ n’to njesikəmba! Kag ji neḛ gə́ ɓar mèr-mèr gə́ n’ula ndiŋ lé ɓa n’a ko̰ ne ɓee dɔ sí’g ndá n’a ɓugu ne boo-oŋg lə neḛ dɔ sí’g tɔ.

Ejekel 22:20

To gə́ dəw mbo̰ ne larnda, gə larkas, gə larndul gə rɔm, gə kulum ta ɓɔgərɔ’g ar dee d’ula ndubu keneŋ mba kar dee léḛ lé, togə́bè ɓa n’a mbo̰ sí dan oŋg’d gə dan boo-oŋg’d lə neḛ ndá n’a kɔm sí ta ɓɔgərɔ’g lə neḛ kar sí lḛ̀je sələlə bèe tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Loo gə́ killa rea kəm Daniel’g 9:18

Ǝi Ala ləm, maji kari tuga mbii oo! Maji kari teḛ kəmi aa ne loo oo nétujije lə sí ləm, aa loo oo ɓee-boo gə́ ɓar rii keneŋ ləm tɔ! To mbata lə meekarabasur lə sí ɓa jeḛ n’raje ne ndòo rɔi’g gə mbəa el nɛ to mbata lə boo-meekaw taḭ-taḭ ləi-i ɓa.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Joɛl 2:12

Njesigənea̰ pa tɔɓəi pana: Ɓasinè lé, gə́ telje reeje rɔm’g gə ŋgaw meḛ sí bura ləm, Gə kɔg-mee-ɓoo ləm, gə no̰ ləma, Gə no̰ sii mbigi-mbigi ləm tɔ.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.