Jeremi 36:32 - Maktub gə́ To gə Kəmee

³² Jeremi un maktub gə́ kə́ na̰’d gə́ raŋg lé ar Baruk, ŋgolə Nerija gə́ to njendaji-maktub lé. Ndá Baruk ndaŋg taje lai gə́ to mee maktub gə́ Jojakim, mbai gə́ Juda roo lé gə goo ndaji gə́ Jeremi ndaji taree aree lé. Yeḛ ɔm taje gə́ raŋg bula gə́ to asəna gə njé gə́ kédé bèe keneŋ tɔ.

Jeremi 36:32 ပူးပေါင်းရင်းမြစ်များ

Teḛ-Raga 34:1

Njesigənea̰ ula Moyis pana: I nja gə́ tɔl bəgərə mbalje joo asəna gə njé gə́ kédé lé ndá ta gə́ to bəgərə mbalje gə́ i təd njigi-njigi kédé lé m’a tel ndaŋg gogo ɓəi.

Jeremi 36:18

Baruk ila dee keneŋ pana: Yeḛ pa taje neelé gə təa ya am ndá ma m’ndaŋg taree mee maktub gə́ kə́ na̰’d neelé gə mán ndaŋgee.

Jeremi 36:23

Loo gə́ Jehudi tura maktub lé as kamee munda əsé sɔ jén bèe ndá mbai tḭja kam maktub neelé gə ŋgon kia lə njendaji-maktub lé gaŋg mbidi-mbidi, ɔm dɔ pər’d gə́ to mee əb’g lé saar aree roo dula-dula.

Jeremi 36:4

Jeremi ɓar Baruk, ŋgolə Nerija ndá Baruk ndaŋg taje lai gə́ Njesigənea̰ ula Jeremi lé mee maktub’g gə goo ndaji gə́ Jeremi ndaji taree aree lé.

Loo gə́ killa rea kəm Daniel’g 3:19

Yen ŋga boo-oŋg rusu mee Nebukadnesar tub-tub ar kəmee tel mas mbidi-mbidi dɔ Sadrak gə Mesak gə Abed-Nego’g. Yeḛ un ta pa un ne ndia mba kar dee d’ɔm kir bwa pər’g d’aree o̰ bilim-bilim unda nje gə́ kédé as gɔl siri.

Loo gə́ killa rea kəm Daniel’g 7:1

Mee ləb ko̰ɓee’g dɔtar lə mbai Belsasar gə́ Babilɔn lé Daniel ni ar ndilee oo ne némḭdije loo gə́ yeḛ to dɔ tira-tée’g. Gée gə́ gogo, yeḛ ndaŋg ta ni lé ləm, ndaji kona tareeje ləm tɔ.

Ləbije 26:18

Ɓó lé seḭ ooje ta ləm el ya ɓəi ndá m’a kar bo̰ néra sí ɔs ta sí’g unda nje gə́ kédé as gɔl siri mbata lə kaiyaje lə sí.

Ləbije 26:21

Ɓó lé seḭ ɔsmje rəw ləm ndigije kooje ta ləm el ləm tɔ ndá m’a kar bo̰ néra sí ɔs ta sí’g unda nje gə́ kédé as gɔl siri gə goo kaiyaje lə sí.

Ləbije 26:24

m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Njé gə́ Rɔmə 16:22

Ma Tertius gə́ njendaŋ maktub neelé m’ra sí lapia gə ri Mbaidɔmbaije tɔ.

Loo gə́ killa rea kəm Ja̰’g 22:18

Nana ɓa gə́ oo ta gə́ a gə teḛ gə goo ta gə́ to mee maktub’g neelé ndá ma m’ulá təsərə m’pana: Ɓó lé yeḛ pa təa gə́ ɓəd ɔm ta gə́ raŋg dɔ’g ndá Ala a kundá gə oŋg-booje gə́ ndaŋg taree mee maktub’g neelé nja.