Jeremi 36:26 - Maktub gə́ To gə Kəmee

²⁶ Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Jeremi 36:26 ပူးပေါင်းရင်းမြစ်များ

1 Mbaije 17:3

Ḭ loo gə́ nee’g aw par gə́ bər ndá iya rɔi mbɔr mán gə́ Kerit gə́ wɔji dɔ Jurdɛ̰ njoroŋ.

1 Mbaije 17:9

Uba naŋg ḭta aw Sarepta gə́ to ɓee gə́ Sido̰ ndá si lée’g neelé. Aa oo, ma m’un ndum mba kar dené gə́ njekəisiŋga gə́ keneŋ ɓa ari nésɔ sɔ ya.

1 Mbaije 18:4

mbata loo gə́ Jejabel tuji njéteggintaje lə Njesigənea̰ ndá Abdias wa njéteggintaje as tɔl (100) iya dee rɔ-mi rɔ-mi mee bolè mbal’g, tɔɓəi yeḛ ar dee muru ləm, gə mán-kai ləm tɔ.

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

1 Mbaije 19:14

Yeḛ ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

1 Mbaije 22:26

Mbai gə́ Israɛl lé pana: Waje Mise awje səa rɔ Amo̰, mbai gə́ njekaa dɔ ɓee-boo’g ləm, gə rɔ Joas, ŋgolə mbai’g ləm tɔ.

2 Mbaije 11:2

Nɛ Joseba, ŋgolə mbai Joram, gə́ to kɔnan Ahajiaje lé un Joas, ŋgolə Ahajia dan ŋgalə mbai’g loo gə́ d’aw tɔl dee lé: yeḛ unee iyá na̰’d gə njeŋgəmee mee kəi-to’g. Yeḛ iya rəa togə́bè kəm Atali’g ndá ar dee d’oo loo tɔlee el tɔ.

2 Sôrta Gḭka Israɛlje 18:26

Seḭ a paje togə́bè pajena: Mbai pana: Ilaje dəw neelé daŋgai’g ndá areeje muru gə mán lam-lam ba bèe saar kam m’tel gə meekulɔm ɓa.

Pakɔsje 105:15

Pana: Njé’g ləm gə́ m’wa dɔ dee gə ubu lé Maji kar sí ɔrɔje rɔ dee el ləm, Njéteggintaje ləm lé kara Raje sə dee majel el ləm tɔ.

Pakɔsje 121:8

Njesigənea̰ a kaa dɔi loo-kabi’g ləm, gə loo-teli’g ləm tɔ, Un kudee ɓasinè saar gə no̰.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 57:1

Pakɔs lə Dabid gə́ bao-pa ɔs sə dee lé. D’ɔs gə ndu gwɔs gə́ pana: Ya̰ aree tuji el. Ndəa gə́ Dabid iya ne rəa mee bolè mbal’g loo gə́ Sawul tuba ne gée lé.

Pakɔsje 64:2

Ǝi Ala, maji kari oo ndum Loo gə́ m’isi m’tuma̰’g lé ləm, Aḭ bada dɔm’g ɔrm ne ji njeba̰’g ləm Gə́ ma m’ɓəlee lé ləm tɔ!

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 26:24

Nɛ Ahikam, ŋgolə Sapan aa dɔ Jeremi, ɔg dee kilá ji koso-dəwje’g lé kar dee tɔlee.

Jeremi 36:19

Ŋgan-mbaije lé d’ula Baruk pana: Maji kari aw ar sí-seḭ gə Jeremi iyaje rɔ sí, arje dəw kára kara gər loo-si sí el.

Jeremi 36:5

Tɔɓəi Jeremi un ndia ar Baruk pana: M’a lé d’ɔgm ɓó m’askəm kaw mee kəi’g lə Njesigənea̰ el.

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Tagə́maji gə́ Ja̰ ndang 11:57

Yen ɓa mbai dɔ njékinjanéməsje-je gə Parisiḛje d’un ndu dee d’ar koso-dəwje pana: Ɓó lé nana ɓa gər loo gə́ yeḛ aar keneŋ ndá maji karee nani dəa gə́ raga ɓó gə mba kar dee d’ubá d’wá.

Tagə́maji gə́ Ja̰ ndang 7:32

Parisiḛje d’oo ta gə́ boo-dəwje pa d’wɔji ne dəa ndá deḛ wédé ta wédé-wédé d’wɔji ne dəa. Yen ŋga mbai dɔ njékinjanéməsje-je gə Parisiḛje d’ula njékaa dɔ looje gə mba kar dee d’wá.

Tagə́maji gə́ Ja̰ ndang 8:20

Jeju pata neelé ndoo dee ne mee kəi-Ala’g gə́ deḛ ɓaree kəi-ŋgəm-lar lé, nɛ dəw kára kara wá gə jia peb el mbata kàree ləa teḛ el ɓəi.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.

Néra Njékaḭkulaje 12:11

Loo gə́ kəm Piɛrə inja dɔ rəa’g ndá yeḛ pana: Ɓasinè ma m’gər gao, Mbaidɔmbaije ya ula kura ləa gə́ dara aree ɔrm ji Herɔdə’g ləm, gə ji Jibje gə́ d’isi to yoom ləm lé tɔ.