Jeremi 35:7 - Maktub gə́ To gə Kəmee

⁷ J’a raje kəi el ləm, J’a dubuje né kára kara el ləm, J’a ma̰aje nduú el ləma, J’a taaje ndɔ-nduú el ləm tɔ. Nɛ ləb si kəmba lə sí lai lé J’a sije mee kəi-kubuje’g ya, Gə mba kar kuru sí əw ne mee ɓee’d Gə́ jeḛ toje mbáje keneŋ lé.

Jeremi 35:7 ပူးပေါင်းရင်းမြစ်များ

Gḭ-Néje 25:27

Ŋganje neelé ra tɔg pir-pir. Esawu lé tel to njegər goso̰do̰, to dəw gə́ aw wala ta-ta. Nɛ Jakob to dəw gə́ aw yururu gə́ nai mee kəi-kubuje’g tɔ.

Gḭ-Néje 36:7

Mbata nébaoje lə dee tur dɔ loo as kar dee d’isi na̰’d el ləm, dɔ naŋg ɓee gə́ d’isi keneŋ kara loo as koso-nékulje lə dee el ləm tɔ.

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Jeremi 35:10

Jeḛ j’isije kəi-kubuje’g ləm, j’ilaje koji n’raje ne néje lai gə́ bɔ síje Jonadab un ndia dɔ’g ar sí lé ləm tɔ.

Jeremi 35:9

Jeḛ n’raje kəije gə mba si keneŋ el ləm, jeḛ n’taaje nduúje əsé ndɔje əsé looje gə́ dubu né keneŋ el ləm tɔ.

Njé gə́ Epesə 5:18

Arje mán-nduú tɔs sí naŋg el mbata yee ɓa siŋga sí a yɔ ne. Nɛ maji kar Ndil ɓa taa meḛ sí yal-yal.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.