Jeremi 35:6 - Maktub gə́ To gə Kəmee

⁶ Nɛ deḛ d’ilam keneŋ pana: Jeḛ j’aije mán-nduú gə́ mḭ lé el, Mbata Jonadab ŋgolə Rekab bɔ síje lé un ndia ar sí pana: Seḭ gə ŋgan síje a kaije mán-nduú gə́ mḭ el nja saar gə no̰ ləm,

Jeremi 35:6 ပူးပေါင်းရင်းမြစ်များ

Gḭ-Néje 25:27

Ŋganje neelé ra tɔg pir-pir. Esawu lé tel to njegər goso̰do̰, to dəw gə́ aw wala ta-ta. Nɛ Jakob to dəw gə́ aw yururu gə́ nai mee kəi-kubuje’g tɔ.

Gḭ-Néje 36:7

Mbata nébaoje lə dee tur dɔ loo as kar dee d’isi na̰’d el ləm, dɔ naŋg ɓee gə́ d’isi keneŋ kara loo as koso-nékulje lə dee el ləm tɔ.

2 Mbaije 10:15

Loo gə́ yeḛ aw gə́ kédé lam ndá yeḛ tila kəm Jonadab, ŋgolə Rekab gə́ ree mba kiŋgá lé. Yeḛ rəa lapia dəjee pana: See məəi ndá kaḭ dɔm’g to gə́ məəm-ma nda ne kaḭ dɔi’g bèe ya wa. Ndá Jonadab tel ilá keneŋ pana: Bèe ya, Jehu pana: Ɓó lé bèe ndá ula jii am. Jonadab ula jia ar Jehu wa ɓa yeḛ uba al si səa mee pusu’g ləa ndá,

2 Mbaije 10:23

Tɔɓəi Jehu gə Jonadab, ŋgolə Rekab d’andə mee kəi’g lə magə-Baal lé ndá yeḛ ula kuraje lə magə-Baal lé pana: Saŋje ooje maji nà banelə kuraje lə Njesigənea̰ d’a si loo gə́ nee’g, nɛ kuraje lə magə-Baal ya ba ɓa d’a si loo gə́ nee’g ya.

1 Sôrta Gḭka-Israɛlje 16:19

Mee ndəa’g neelé deḛ bula yaa̰ el, Deḛ to gə́ jebəre ba bèe ləm, Deḛ to gə́ mbáje mee ɓee’g neelé ləm tɔ.

1 Sôrta Gḭka-Israɛlje 2:55

gə deḛ gə́ to gel-bɔje lə njéndaji-maktubje gə́ d’isi Jabes gə́ to Tireatje, gə Simeatje, gə Sumatje ləm tɔ. Deḛje neelé to Kenije gə́ d’ḭ ginka’g lə Amat gə́ to bɔ ŋgaka Rekabje ya.

Pakɔsje 105:12

Ndəa neelé deḛ bula yaa̰ el, Deḛ to gə́ jebəre ba ləm, to gə́ mbáje mee ɓee’g neelé ləm tɔ.

Teḛ-Raga 20:12

I a təd kag bauije gə kɔḭije mba kar dɔ naŋg nee gə́ Ala ləi gə́ Njesigənea̰ ari si keneŋ lé yeḛ a kɔm ndɔje ləi dɔ maree’g kari ya.

Jeremi 35:10

Jeḛ j’isije kəi-kubuje’g ləm, j’ilaje koji n’raje ne néje lai gə́ bɔ síje Jonadab un ndia dɔ’g ar sí lé ləm tɔ.

Jeremi 35:14

Deḛ d’aa dɔ taje lə Jonadab, ŋgolə Rekab gə́ un ndia ar ŋganeeje mba kar dee d’ai mán-nduú gə́ mḭ el lé kər-kər ndá deḛ d’ai el ya saar teḛ ɓogənè to mbata deḛ d’ila koji dɔ ndukun’g lə bɔ deeje. Nɛ ma lé m’ula sí ta, un kudee teḛ gə ndɔ rad ya m’ula sí ta nɛ seḭ unje mbi sí rəw dɔ ta’g ləm.

Ləbije 10:9

Loo gə́ seḭ a gə ka̰dje kəi-kubu-kiŋga-na̰’g ndá i gə ŋganije na̰’d lé seḭ a kaije mán-nduú gə́ mḭ el ləm, əsé nékai gə́ mḭ el ləm tɔ, nà seḭ a kwəije, yee neelé a to godndu gə́ a to gə no̰ mbata lə ŋgaka síje gə́ kédé-kédé

Lugu 1:15

Mbata yeḛ a to dəw gə́ boo kəm Mbaidɔmbaije’g lé. Yeḛ a kai mán-nduú gə́ mḭ el ləm, nékai gə́ mḭ kára kara a kɔs təa’g el ləm tɔ. Ndilmeenda ɓa a rusu mée njḭ-njḭ loo gə́ yeḛ a nai ne mee kea̰je’g ya ɓəi tɔ.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

Njéga̰g-Rəwtaje 13:14

Né gə́ rara gə́ ḭ rɔ nduú’g lé yeḛ a naa gə təa el ləm, yeḛ a kai mán-nduú gə́ mḭ əsé nékai gə́ mḭ kara bèe el ləma, yeḛ a sɔ né gə́ mina̰ el ləm tɔ, yeḛ a kaa dɔ taje lai gə́ ma m’ulá lé kər-kər ɓa.

Njéga̰g-Rəwtaje 13:7

Nɛ yeḛ ulam pana: M’a gə taa kèm ndá m’a koji ŋgon gə́ diŋgam, ɓasinè lé m’a kai mán-nduú gə́ mḭ əsé nékai gə́ mḭ el ləm, m’a sɔ né gə́ mina̰ el ləm tɔ mbata ŋgon neelé d’a kundá gə kəmee kar Ala loo gə́ yeḛ nai ne mee kea̰je’g ya saar teḛ ne ndɔ kwəi’g ləa ya.