Jeremi 33:21 - Maktub gə́ To gə Kəmee

²¹ manrɔ ləm gə́ ma man m’ar Dabid, kura ləm lé kara a tuji togə́bè to mba kar ŋgonee gə́ a taa toree mba si dɔ kalimbai’g ləa ko̰ ne ɓee lé a godo ləm, manrɔ ləm gə́ ma man m’ar Ləbije gə njékinjanéməsje gə́ d’isi loo-kula’g ləm lé a tuji ləm tɔ.

Jeremi 33:21 ပူးပေါင်းရင်းမြစ်များ

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

2 Sôrta Gḭka Israɛlje 21:7

Nɛ Njesigənea̰ ndigi tuji gel-bɔje lə Dabid el mbata man gə́ yeḛ man rəa aree ləm, gə ndukun gə́ yeḛ un aree gə mba kar ŋgokea to néndogó nea̰’g mbata ləa-yeḛ ləm, gə mbata lə ŋganeeje ləm tɔ, saar gə no̰ lé.

2 Sôrta Gḭka Israɛlje 7:18

m’a kar kalimbai gə́ ka̰ ɓeeko̰ gə́ m’un ndum dɔ’g m’ar bɔbije Dabid m’pana: I a lal njetaa tori dɔ kalimbai ɓeeko̰’g lə Israɛlje nda̰ el lé to njaŋg.

Pakɔsje 132:17

Lée neelé n’a kar siŋgamoŋ lə Dabid ḭ dɔ maree’d gə́ kédé-kédé ləm, N’a kwa dɔ gɔl pərndɔ kar yeḛ gə́ n’wa dəa gə ubu lé ləma,

Pakɔsje 89:34

Nɛ meemaji lə neḛ lé n’a kɔr rəa’g el ləm, Meenda londoŋ lə neḛ kara n’a kuba gée kya̰ el ləm,

Pakɔsje 89:36

Neḛ n’un ndu neḛ gə rɔkubu gə goo meenda lə neḛ gɔl kára ya, See n’a kula Dabid taŋgɔm wa.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Jeremi 33:18

Njékinjanéməsje gə Ləbije d’a lal njétaa tor deeje nɔm’g el mba kar dee d’inja nékinjanéməsje gə́ ka̰ roo ləm, gə mba tuu nékarje na̰’d gə nékinjanéməsje ləma, gə mba kinja nékinjanéməsje gə ndɔje kára-kára lai ləm tɔ.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.