Jeremi 31:40 - Maktub gə́ To gə Kəmee

⁴⁰ Wəl-loo kɔm nin dəwje gə́ bu to keneŋ lai ləm, gə loo-ndɔje lai saar teḛ ne kəm-rəw-mán gə́ Sedro̰ ləma, saar teḛ ne kil tarəwkɔg gə́ ria lə Rəw-kaw-kundaje gə́ to par gə́ bər ləm tɔ lé d’a kunda dee gə kəmee kar Njesigənea̰ ndá d’a koso nda̰ el ləm, d’a tuji nda̰ el ləm tɔ saar gə no̰.

Jeremi 31:40 ပူးပေါင်းရင်းမြစ်များ

2 Samel 15:23

Njéɓeeje lai neelé d’isi gə mán-no̰ kəm dee’g ləm, deḛ tur kii pénéné-pénéné ləm tɔ loo gə́ koso-dəwje lai neelé d’isi dəs lé. Mbai gaŋg mán-nia̰ gə́ Sedro̰ ndá koso-dəwje lai dəs gə rəw gə́ aw gə́ dɔdilaloo’g.

2 Mbaije 11:16

Deḛ d’ya̰ loo d’aree aw ndá yeḛ aw kəi’g lə mbai gə rəw gə́ ria lə Rəw-kaw-kundaje. Lée’g neelé ɓa deḛ tɔlee keneŋ tɔ.

2 Mbaije 23:12

Mbai təd loo-nékinjanéməsje gə́ d’unda dɔ kəi gə́ tar lə Akas gə́ mbaije gə́ Juda ra ləm, gə njé gə́ Manasə ra mee gadlooje gə́ joo gə́ to mee ndògo gə́ wɔji dɔ kəi lə Njesigənea̰ ləm tɔ, gée gə́ gogo loo gə́ yeḛ təd dee tɔr dee lée’g neelé mba̰ ndá yeḛ odo bu dee aw ɔm kəm-rəw-mán gə́ Sedro̰.

2 Mbaije 23:6

Yeḛ ḭ gə magə-Astarté lé mee kəi’g lə Njesigənea̰ teḛ ne raga aw ne gir ɓee-boo gə́ Jerusalem par gə́ wəl-loo gə́ Sedro̰, yeḛ rée wəl-loo gə́ Sedro̰ aree tel to bu ndá yeḛ ɔm buee dɔɓar dəwje’g.

2 Sôrta Gḭka Israɛlje 23:15

Deḛ d’aree loo ndá yeḛ aw mee kəi’g lə mbai gə tarəwkɔg gə́ ria lə Rəw-kaw-kundaje: lé gə́ neelé ɓa deḛ tɔlee keneŋ tɔ.

Nehemi 3:28

Loo gə́ dɔ tarəwkɔg’d gə́ ria lə Rəw-kaw-kundaje lé njékinjanéməsje ɓa nana kara ra kula takəi’g ləa-ləa.

Pakɔsje 48:9

Ta gə́ deḛ pa gə́ j’oo lé jeḛ j’oo gə kəm sí Mee ɓee-boo’g lə Njesigənea̰ gə́ njeboo-néje gə́ dara Mee ɓee-boo’g lə Ala lə sí tɔ. Ala nja a karee to keneŋ saar gə no̰ ya.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Jeremi 18:7

Loo gə́ na̰je ma m’pata m’wɔji ne dɔ ginkoji dəwje gə dɔ ɓeeko̰ gə mba kɔr dee ne ləm, mba təd dee ne rém-rém ləma, mba tuji dee ne pugudu-pugudu ləm tɔ.

Jeremi 32:36

Ɓasinè Njesigənea̰, Ala lə Israɛlje pata togə́bè dɔ ɓee-boo’g nee gə́ seḭ pajena: D’a kilá ji mbai gə́ Babilɔn’g karee dum dəa gə kiambas gə ɓoo-boo gə yoo-koso lé pana:

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Ejekel 37:2

Yeḛ am m’njaa mbɔr dee’g m’gugu dɔ dee, ndá aa oo, deḛ to njɔg-njɔg kəm wəl-loo’g tudu d’ɔr ndá sál-sál.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Jakari 14:11

Dəwje d’a si keneŋ ndá Né gə́ a gə tuji dee a godo. Njé gə́ Jerusalem d’a si dan meekulɔm’g.

Jakari 14:20

Mee ndəa’g neelé d’a ndaŋg taree dɔ ma̰dje gə́ gwɔs kundaje’g Pana: TO GƎ KƎMEE ƁƎD KAR NJESIGƎNEA̰. Tɔɓəi ŋgoroje gə́ mee kəi’g lə Njesigənea̰ lé D’a to kasəna gə baije gə́ to no̰ loo-nékinjaməs’g bèe.

Tagə́maji gə́ Ja̰ ndang 18:1

Loo gə́ Jeju pata néje nee mba̰ ndá yeḛ ɔr njékwakiláje gaŋg sə dee nia̰ gə́ ria lə Sedro̰ teḛ sə dee loo gə́ deḛ ma̰a kagje keneŋ lé, deḛ gə njékwakiláje d’aw mee kagje’g neelé.