Jeremi 31:38 - Maktub gə́ To gə Kəmee

³⁸ Njesigənea̰ pana: Aa ooje, ndɔje gə́ a gə ree lé d’a gɔl ɓee-boo gogo kar ri Njesigənea̰ ɓar’g lé ndá a kun kudee dɔ kəi’g lə Hananeel gə́ duu dɔ loo lé saar teḛ ne tarəwkɔg gə́ ria lə Dɔkumloo.

Jeremi 31:38 ပူးပေါင်းရင်းမြစ်များ

2 Mbaije 14:13

Mee ɓee gə́ Bet-Semes ɓa Joas, mbai gə́ Israɛl wa Amasia, mbai gə́ Juda gə́ to ŋgolə Joas, gə́ ŋgoka Ahajia daŋgai keneŋ. Tɔɓəi yeḛ ḭ keneŋ aw Jerusalem ndá yeḛ təd ndògo-bɔrɔ gə́ to Jerusalem ar tadee as kəmkil dəw tɔl-sɔ (400), un kudee tarəwɓee gə́ Eprayim’g saar teḛ ne tarəw’d gə́ ria lə Dɔkum Loo tɔ.

2 Sôrta Gḭka Israɛlje 26:9

Ojias ra kəije gə́ duu dɔ loo mee ɓee gə́ Jerusalem dɔ tarəw gə́ ria lə Dɔkumloo ləm, gə dɔ tarəw ɓee gə́ ria lə Wəl-loo ləma, gə dɔ ndògo-bɔrɔ gə́ ɔr suna ləm tɔ ar njérɔje d’isi keneŋ.

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Nehemi 3:1

Eliasib gə́ to ŋgɔ-njekinjanéməs lé ḭ gə ŋgakea̰je gə́ to njékinjanéməsje ar dee ra tarəwkɔg gə́ ria lə Rəw lə Badje lé. Deḛ d’unda gə kəmee ləm, gə tula tabidi-rəwje keneŋ ləm tɔ. Deḛ d’unda gə kəmee un kudee dɔ kəi-kaar-kɔgərɔ gə́ duu dɔ loo gə́ ria lə Méa saar teḛ ne kəi-kaar-kɔgərɔ gə́ duu dɔ loo gə́ ria lə Hananeel tɔ.

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 30:18

Njesigənea̰ pa togə́bè pana: Aa ooje, njé gə́ mee kəi-kubu’g Le Jakob gə́ d’wa dee ɓər lé Ma m’tel ree sə dee ɓée. M’oo kəmtondoo lə loo-si deeje, D’a tel gɔl ɓee-boo lé lée’g Gə́ tuji to keneŋ ləm, D’a tel gɔl kəi-mbai lé Karee to to gə́ kédé ya ləm tɔ.

Jeremi 31:27

Njesigənea̰ pana: Aa ooje, ndɔje gə́ a gə ree lé m’a kunda kó dəwje ləm gə kó daje ləm tɔ mee kəi’g lə Israɛl gə Juda to gə́ dəw dubu ne kó loo-ndɔ’g ləa bèe.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Jakari 14:10

Ɓee bura a tel to kasəna gə ndag-loo gə́ un gelee Geba saar teḛ Rimo̰, Par gə́ dɔkɔl lə Jerusalem, Ndá Jerusalem lé d’a kunee gə́ tar karee to lée’g ya Un gelee tarəwkɔg’d lə Bḛjami ya Saar teḛ ne loo gə́ tarəw gə́ dɔtar ləm, Saar teḛ ne tarəw gə́ to dɔkum kəije’g ləm tɔ, Un kudee kəi-kaar-kɔgərɔ’g lə Hananeel Saar teḛ ne godə loo-mbula-Kandə-nduú’g lə mbai ləm tɔ.

Jakari 2:6

Ma m’dəjee m’pana: See aw gə́ ra wa. Ndá yeḛ ilam keneŋ pana: M’a gə kaw kwɔji Jerusalem gə mba koo tadee ləm, gə ŋgalee ləm tɔ.